DECEMBER 22-28
ISAYA 11-13
Mwaso 14 na Lilombelo | Majwi a Kuzimbula (Munu 1)
1. Mbimbiliya Yapolofwetele Ngwayo Mesiya Akapwa Munu wa Cifwa Muka?
(Minu 10)
Akatunda mu cikota ca Jesi kwitila muli munendi Devidi (Isa 11:1; ip-1 159 ¶4-5)
Akakala na sipilitu ya Njambi na kuzibila Yehova lyoba (Isa 11:2, 3a; ip-1 159 ¶6; w23.06 15 ¶5)
Akapwa muka-busunga na kusompa mwamubwa (Isa 11:3b-5; ip-1 160 ¶9; 161 ¶11)
SINGANYEKESESENI HA CIHULA ECI: Mwafwa bika Yesu napu muka-kuyula wamubwa kutubakana bimyene ba banu?
2. Kutondesesa Bisimpi bya Seho
(Minu 10)
Isa 11:9, 10—Ngwe mwamwesela awa mavesi, cipangi muka cakama cikakalako? (w22.09 20 ¶2)
Bisimpi muka bimunawana mu kutanda Mbimbiliya cino calumingo?
3. Kutanda Mbimbiliya
(Minu 4) Isa 11:1-12 (th cilongesa 11)
4. Kushangumuka Kusimutwiya na Banu
(Minu 3) KWAMBULWILA HA NJIBO NA NJIBO. (lmd cilongesa 2 simpi 5)
5. Kwilukilako
(Minu 4) KWAMBULWILA KU MBUNGA. Pangesa webusaiti ya jw.org mu kukumbulula cihula canehula munu. (lmd cilongesa 8 simpi 3)
6. Kupwisa Banu Bandongesi
(Minu 5) Kwasa munu iukalilongesa nendi alibwaesele kwambulula nobe ha njibo na njibo. (lmd cilongesa 11 simpi 4)
Mwaso 57
7. Kuma ‘Mukasompo mu Kusungama’ ndi?
(Minu 15) Kusimutwiya.
Ha litangwa na litangwa tukasompo banu, co bisimbu bimo tukalingi ngoco kwa kujeneka kusinganyekesesa mwamubwa. Kakangi tukasompo banu kwesekesa na byuma bitukamono. Oloni Yesu uje itunapande kutembwinina, kesi kusompa munu kwesekesa lika nebi byamona. (Isa 11:3, 4) Yesu akamono na kuzibuka bili mu mbunge ya munu. Yetu kutwesi na nzili ya cifwoco. Nameme ngoco, tunapande kulinga mwoshe mutwasela mangana tumutembwinine. Yesu wendekele ngwendi: “Likeleni kusompa banu ha cifwa cabo ca hanja, oloni sompeni mu kusungama.”—Iwa 7:24.
Ntwima na cashu cetu ca kwambulula byasa kutepuluka nga tusompa banu kwesekesa na byuma bitumona. Cakumwenako, kuma tukakwata-kwata ku masinde kwambulwila mu myela muje mwakala banu ba cisemwa ceka nambe baje bali mu bulombelo bweka ndi? Batico banu bali mu bitingitingi bya kufuka nambe bya kuhutwa? Kuma tukasinganyeka ngwetu munu kasa kutambula muzimbu waubwa mwafwa ya sholwesi yendi ndi? Njambi ashaka ngwendi “banu ba miyati yoshe boboke na kweta ha kukala na mangana a busunga a kuzibuka busunga.”—1Ti 2:4.
Mwesa VIDIO ya Bitunalilongesa mu Kaposhi ka Kukengela: Keti Musompe Munu Kwesekesa na Cifwa Cendi ca Hanja. Kutundaho, ihula mbunga ebi bihula:
Kangu ka cifwa muka kabanendeka omu mu vidio?
Mona ngwe tumwesa bandolome na bandokazi kangu, bukalu muka bwasa kusholoka mu cikungulukilo?
Bika byakwasele baka-Kristu batunamono mu vidio bajeneke kusompa bakwabo kwesekesa na cifwa ca hanja?
Bika bimunalilongesa mu cilongesa ca Kaposhi ka Kukengela?
8. Cilongesa ca Mbimbiliya ca Cikungulukilo
(Minu 30) lfb cilongesa 46-47