Kuma Bakaleho ba Yehova Bakabindika Mafilimu Amo, Mabulu Amo Nambe Myaso Imo Ndi?
Embwe. Munga yetu kuyesi kwilula mafilimu, mabulu, nambe myaso mangana ibindike banu kuyongola mafilimu amo, kutanda mabulu amo nambe kutolilila myaso imo. Mwafwa bika?
Mbimbiliya ishongangeya munu woshe alongese ‘nzili yendi ya kunanguka’ mangana ase kwangununa byabibwa ku byabibi.—Vahevelu 5:14.
Mu Bisoneka muli binangulo byasa kupangesa muka-Kristu omwo angula bya kulizima nabyo buli.a Ngwe mwa byuma bikwabo bitukangula mu kuyoya, cilengo cetu cinapu ca kutwalelelaho “kunanguka byuma byatabesa Mwata.”—Efeso 5:10.
Mbimbiliya imwesa ngwayo mitwe ya binaanga bali na moko ya kupwamo. Ngeci, basa kubindika baka-naanga yabo kulizima buli mu ngila imo. (1 Kolinte 11:3; Efeso 6:1-4) Oloni naumo wahi napande kubindika munu uje keti wa mu naanga yendi kuyongola mafilimu amo, nambe kutolilila ku myaso imo.—Ngalatiya 6:5.
a Cakumwenako, Mbimbiliya ibindika cuma coshe-coshe cije cikundwiya bilinga bya budimona, bupangala, nambe lwozi.—Kwituluka mu Mashiko 18:10-13; Efeso 5:3; Kolose 3:8.