Kulibandeka

Bika Byalingile Filipu?

VIDIO: Filipu Ambulwila Munalume wa Bulemu wa ku Ithopia

1. Kengeni VIDIO, nambe kutanda Bilinga 8:30, 31. Kutundaho, singanyekeseseni ha bihula binatako:

1. Filipu washangumukile bati kusimutwiya nendi?

2. Mwafwa bika twendeka ngwetu Filipu walibandekele na kuwana ngila yaibwa ya kulongeselamo uje munalume busunga bwabuha?

Bika Bitulilongesa Kuli Filipu?

2. Nga tulibandeka na kujeneka kushatukila kwambulula, co munu itusimutwiya nendi awa mbunge, co asa kutambula muzimbu wetu.

Tembwinineni Filipu

3. Taleseseni. Munu mwamweselamo ku cihanga nambe bilyo bya mubila wendi kumikwasa munangukeko cuma cimo. Kuma owo munu ashaka kusimutwiya neni ndi? Mwasa kushangumuka kusimutwiya biñanda bya mu Mbimbiliya ha kumwihula ngweni, “Muzibuka ngweni. . . ?” Keti musindiye munu endeke nga shendi.

4. Kaleni na mbunge ya kubandamena. Kumwapandele kuliziba ngweni munapande kwambulula oho bene. Libandekeni na kubandamena simbu inapande ya kushangumuka kumwambulwila. Simbu imo hamo kubanga litangwa lyeka lalo limukaliwana.

5. Libwaheseleni kutengululako. Simbu imo biñanda byeka byasa kukobela mu bisimutwiya. Ngeci mwasa kutengululako na kumwambulwila biñanda byamuya ku mbunge nameme nga keti bikebyo bimunalibwaheselele.