Pangetheni jw.org ku Chipangi Cheni cha Kwambulula—“Pwa Kavuthamba ka Yehova”

Ha wembusaiti ya jw.org, ha mutamba wa “Bible Teachings” hali mutwe wa ñanda wa “Become Jehovah’s Friend” [Pwa Kavuthamba ka Yehova]” uje uli na vyuma vyakufwa ngwe myatho, mavindiyo na vyuma vyeka. Kutala munapangetha vyuma vili ha mutamba ou mu chipangi cha kwambulula ndi? Nga muli nakulilongetha Mbimbiliya na chithemi uje ali na vana vavandondo, muleketheni ou mutamba. Echi chimulingitha ashakathzeke na mithzimbu yeka ha Wembusaiti yetu.

Hakwana vanu tilakiti ya Muthzimbu Wauvwa Na. 38, ndolome umo wendekele na munakathzi uje waputukile kutanda eyi tilakiti ha thimbu ije vene yivamwaneneyo. Wakele na vana vavandondo vavangi vaje vashakele eyi tilakiti. Ou ndolome wathimutwiyiye nou munakathzi ha tilakiti, nakumwinikila keyala ya wembusaiti yetu kunima ya tilakiti. Ou munakathzi wavwahelelele manene, ngechi vamumwethele hamo na vana vendi vindiyo ya “Kalembi.”

Ndokathzi umo walekele mukwavo muvapangela uje wakala na vana vavandondo vya wembusaiti yetu na mithzimbu yakalaho. Uje munakathzi na vana vendi vashokolwele ha wembusaiti yetu. Omu mwetile matangwa, uje munakathzi walekele ndokathzi yetu ngwendi vana vendi wavamwene vathzenguluka njuvo oku vali nakwimba mwatho wa “Preach the Word,” uje wakala ha vindiyo ya “Become Jehovah’s Friend.”

Munapande kuthzivuka vwino mithzimbu yili ha jw.org, nakwambata mavindiyo aliho, na myatho, na vyuma vyeka nakuvyaka ha mafoni eni nambe ha makina eka. Echi chimikwatha mwathe kupangetha jw.org mu chipangi cha kwambulula. Wembusaiti yetu yitukwatha manene omwo tupangela Shukulu—Vil. 20:19.