YOYETHI YA VAKA-KILISITU
Ngonde Muka Injatha Kulingako Lalo Vupainiya vwa Kukwatha?
Chimona chamwene Ezekiyele cha tembele chamwethele ngwavo vanu va Yehova vakana mavwana akulyanukila. Twatha vati kwana ñombelo ya kushangathzala Njambi?—Hev 13:15, 16.
Ngila imo yaivwa inapu ya kulingako vupainiya vwa kukwatha. Mwaka wa chipangi wa 2018 uli na vingonde vyavingi vije vili na masapalalo atanu, nambe vyalumingo vitanu. Echi chikwatha vaka-kwambulula vaje vakai kuvipangi mukati ka chalumingo, cho vakawana lika thimbu ya kuya mu lihya lya sapalalo na lya chalumingo. Cho lalo vaka-kwambulula vatha kupanga maola a kupwa 30, nambe 50 mu vingonde vya March na April nameme mu ngonde yakaija ntwama wa kuthzenguluka.
Vaticho nga katumbamethi ketu kukatutavetha kulinga vupayiniya vwa kukwatha? Tunatha kulifwita kuvwethzelela ku vutongwe vwetu na kuvwethzelela ku thimbu yetu ya mu lihya. Mwoshe moshe muvili vyuma, tulyaneni kuli Yehova mu mwaka wa chipangi wa 2018 mwafwa twamuthema.—Ho 14:2.
Njatha kutembwinina vati ntwima ya Sabina Hernández?
KENGENI VINDIYO YA KAKUTUSIWA KI JEHOVA NA KONA KUEZA NTO IFI KAMBA IFI, CHO KUMBULULENI EVI VIHULA VINATAKO:
Vika vyashongangeyeye Sabina kulyana mu vipangi vya Yehova?
Mwanja wa Sabina unamikanyametha vati?
Vingonde muka vimushaka kulinga vupayiniya vwa kukwatha mu mwaka wa chipangi wa 2018?