YOYETHI YA VAKA-KILISITU
Kwambulula na Kulongetha Kutukwatha Tupwithe Vanu Kupwa Vandongethi
Yesu washikile vandongethi vendi vaye na kupwitha vanu kupwa vandongethi. (Mat 28:19) Oku kunambatethelela na kwambulula na kulongetha. Thimbu yoshe tunapande kulihula ngwetu, ‘Njatha kuvwethzelela vati ku vutongwe vwange vwa kupwitha vanu kupwa vandongethi?’
KWAMBULULA
Tunapande kuya na kushakethzeka vaje ‘vanapande,’ kutuvakana kuvandamena ngwetu vaije kuli yetu. (Mat 10:11) Nga tuli mu lihya tukathimutwiya na vanu voshe “vatukaliwana navo” ndi? (Vil 17:17, NWT) Kwambulula na ntwima kwa kapositolo Paulu kwalingithile Lindiya apwe ndongethi.—Vil 16:13-15.
“Kuna mbuto yove mutondo, cho twalaho kupanga noho chingwethzi” (Kwa 11:6)
KENGENI VINDIYO YA TWALELELENIHO KWAMBULULA—MU KUTULUKWA NA HA NJUVO NA NJUVO, CHO KUMBULULENI VIHULA VINATAKO:
Ha litangwa na litangwa Samuel wakele na kumwetha vati ngwendi ali na kushakethzeka kukuna vimbuto vya vuthunga?
Vika tunapande kutwalelelaho kupangetha vingila vyoshe vya kwambulwilamo?
Veya vamwatha kwambulwila muthzimbu wauvwa ha litangwa na litangwa?
KULONGETHA
Kuli vyuma vyavingi vitunapande kulinga mu kupwitha vanu kupwa vandongethi, kethi lika kuvathethzela mavulu. Tunapande kulinga mangendthzi a kwilukila na kutwamenena vilongetha vya Mbimbiliya. (1Kr 3:6-9) Oloni vati nga vanu vatulongetha vuthunga kuvakolo ku sipilitu? (Mat 13:19-22) Tunapande kutwalelelaho kushakethzeka vaka-vimbunge vyavivwa vaje vanapu ngwe “livu lya vwilo.”—Mat 13:23; Vil 13:48.
“Yange njakunine mbuto, Apolo watukumwinine, oloni Njambi ikeye wakulithile mbuto” (1Kr 3:6)
KENGENI VINDIYO YA TWALELELENIHO KWAMBULULA—KU MBUNGA NA KUPWITHA VANU KUPWA VANDONGETHI, KUTUNDOHO KUMBULULENI EVI VIHULA:
Solomon na Mary vatukumwinine vati mbuto ya vuthunga ije ivakunine mu mbunge ya Ezekiel na Abigail?
Vika vitunapande kwaka mu vithinganyeka omwo tupangetha vingila vyoshe vya kwambulwilamo?
Twatha kwambulula vati vuthunga ku vanu mu ngila ije ivakwatha kuthzivithitha mwamuvwa?