Bika Bimunapande Kulinga Mangana Cilongesa Ceni ca ha Kapandi Cimikwase?

BIKWAPWILA KWA SEHO: Kulilongesa Lijwi lya Njambi ha kapandi kutukwasa ‘tukale na nzili ya kuzibuka mwamubwa bukama na bulaja bwa hasi na kutunuka na kuloba’ kwa busunga. (Efe 3:18) Co lalo, kutukwasa tupwe baka-kujeneka mulonga na baka-kujeneka kapayo mu kaye ka kupengapenga na “kukwata na nzili majwi a mwonyo.” (Fil 2:15, 16, NWT) Ha simbu ya cilongesa ca ha kapandi twasa kulyangwila libulu litushaka kulilongesa yetu babenya. Oloni bika bitunapande kulinga mangana cilongesa cetu ca ha kapandi citukwase?

MWAKULINGILA:

• Fundikeni ha mavesi amo mu Mbimbiliya yeni nambe ya ha likina, na kusonekaho bisimpi byakama

• Omwo mutanda Lijwi lya Njambi, lihuleni ebi bihula binatako: ‘Iya? Bika? Litangwa muka? Kuli? Mwafwa bika? Mungila muka?

• Tondeseseni mubanabilumbunwinamo. Tondeni mutwe woyo ñanda nambe vesi kupangesa bikwata byetu bitukapangesa mu kutondesesa

• Singanyekeseseni ha biñanda bimunatanda mangana mumone mubimikwaselamo

• Pangeseni bimulilongesa.—Luk 6:47, 48

KENGENI VIDIO YA CILONGESA CENI CA HA KAPANDI CIMIKWASE “KUKWATA NA NZILI MAJWI A MWONYO,” KUTUNDAHO KUMBULULENI BIHULA BINATAKO:

• Bubwa muka bubanawana bamo ha kukala na cilongesa ca ha kapandi?

• Mwafwa bika tunapande kushangumuka na lilombelo simbu kanda tulilongese?

• Bika bitukwasa tuzibisise mwamubwa biñanda bya mu Mbimbiliya?

• Bizibukiso muka bitwasa kwaka mu Mbimbiliya yetu?

• Mwafwa bika kusinganyekesesa kunapu kwa seho omwo tulilongesa Lijwi lya Njambi?

• Tunapande kulinga bika ha byuma bitunalilongesa?