Kakebala Bipangi Byeni Byabibwa

Banu ba Yehova boshe basa kukala na lizina lyalibwa kuli Njambi ha kumupangela bipangi byabibwa bije kakebala. Njambi wapwa ngwe cisemi wa cizemo uje wazema byuma byabibwa bibakalingi bana bendi co kesi kubibala. Yehova kesi kwibala bipangi byetu byabibwa na cizemo citukamwesa ku lizina lyendi. (Mat 6:20; Hev 6:10) Nameme twakala na cashu ca kulisezaseza, co lalo tukaliwana na byuma bya kulisezaseza mu kuyoya, oloni nga tupangela Yehova na mbunge yetu yoshe co tupwa ba kubwahelela. (Nga 6:4; Kol 3:23) Mu myaka ineti, bandolome na bandokazi babangi banapangela ha Mbetele. Mwasa kulyana ku kapangela ha Mbetele ndi? Nga kumwasa kupangela ha Mbetele, kuma mwasa kushongangeyako umo mangana akapangeleho nambe kushongangeya baje bali ha Mbetele mangana batwaleleleho ndi?

KENGENI VIDIO YA LYAKELENI BILENGO BYA KUKAPANGELA HA MBETELE, KUTUNDAHO KUMBULULENI BIHULA BINATAKO:

• Bika binapande kumishongangeya mukapangele ha Mbetele?

• Bibezikiso muka bibanawana bandolome na bandokazi mwafwa ya kupangela ha Mbetele?

• Bika byanapande kupwisamo munu mangana akapangele ha Mbetele?

• Mwasa kushulisilila bati fomu ya kukapangela ha Mbetele?