‘Singanyekeseseni ha Byuma Ebi’

Byuma muka? Filipu 4:8 ngwayo singanyekeseseni ha byuma bya busunga, bya seho, bya kusungama, bya kujela, bije bibazema, bije bibashangala, byabibwa na bibazumbangeya. Oku kukulumbununa ngwabo baka-Kilistu banapande kusinganyeka lika byuma bya mu Mbimbiliya. Nameme ngoco, byuma bitusinganyeka binapande kuzibisa Yehova kubwaha. Kutwapandele kusinganyekesesa ha byuma bije bitulingisa kutupwile kwakukalu kupwa ba kulongwa kuli Njambi.—Mya 19:14.

Kukala na bisanganyeka byabibwa simbu yoshe keti kwakwasi. Ha kupwa banu ba kujeneka kulumbunuka tunapande kulwisa mashungu etu amabi. Co lalo Satana uje napu ‘njambi wa kano kaye’ nendi ali na kutupindisa. (2 Ko 4:4) Bwingi bwa byuma bikakala ha ma TV, ha bisanzi na ha intaneti binapu byabibi mwafwa Satana ikeye ali na kuyula kano kaye. Ngeci, tunapande kwangula mwamubwa byuma bitulizima nabyo buli mwafwa bimo byasa kutulingisa tushangumuke kusinganyeka byuma byabibi na kubilinga.—Yak 1:14, 15.

KENGENI VIDIO YA JENJUKENI KU BYUMA BIJE BYASA KUMYONOWESA KUPWA BA KULONGWA​—KULIZIMA BULI MU NGILA YAIBI, KUTUNDAHO, KUMBULULENI BIHULA BINATAKO:

• 

  Byuma muka byanakala na kuyongola uje ndolome ha foni yendi, co bika byatundilemo?

• 

  Ngalatiya 6:7, 8 na Myaso 119:37 yamukwasele bati?