Kuma Kalibulu ka Kutatuba Mañolo ka Zazi ni Zazi Kali na Kumikwasa Ndi?

Kuma ha litangwa na litangwa mukatanda Cisoneka na biñanda bilumbununa cije cisoneka mu kalibulu ka Kutatuba Mañolo ka Zazi ni Zazi ndi? Nga kumwesi kulinga ngoco, co mwasa kulinga ngoco. Banu babangi bakalilongesa cisoneka ca litangwa na litangwa ha simbu ya mutondo mangana basinganyekesese ha byuma bibanatanda omwo bapanga bipangi byabo. (Yos 1:8; Mya 119:97) Munapande kulinga bika mangana Cisoneka ca litangwa na litangwa cimikwase manene? Tandeni mavesi akwabo ali omwo mu capita mangana muzibisise mwamubwa oyo vesi. Singanyekeseseni ha ñanda ya mu Mbimbiliya ije imwesa simpi ili oho ha cisoneka. Co pangeseni bimunalilongesa. Nga mupangesa biyendeka Mbimbiliya mu byuma bimwangula kulinga, co imitwamenena na kumikwasa.—Mya 119:105.

Binaanga bya Mbetele mu kaye koshe bikalilongesa cisoneka ca litangwa ha simbu ya mutondo. Mu myaka inahu, biñanda bibakendeka bakabyaka ha JW Broadcasting^® ha mutamba wa PROGRAMS AND EVENTS. Kuneti simbu ya kupwa hali kutunda hamwakengelele ebi biñanda? Hamo biñanda biliho bikebyo bene byasa kumikwasa. Cakumwenako, ñanda ya Lote yasa kumikwasa bati omwo mwangula byakulinga?

KENGENI VIDIO YA KESI MUZEME KAYE (1 YO 2:15) KUTUNDAHO, KUMBULULENI BIHULA BINATAKO:

• Ije Pulogilamu ya mutondo ya kulilongesa Mbimbiliya inemanene ha cinangulo muka ca mu Mbimbiliya?

• Ñanda ya Lote itulongesa bika ha bukalu bukatundu mu kuzema kaye nambe byuma bilimo?—Kus 13:12; 14:12; 19:3, 12, 13, 24-26

• Twasa kumwesa bati ngwetu twazema Yehova na kuzinda kaye na byuma bilimo?