YOYESI YA BAKA-KILISTU
Mavidio Akupangesa nga Mushaka Kushangumuka Cilongesa ca Mbimbiliya
Kuli mavidio awana atwasa kupangesa nga tushaka kushangumuka cilongesa ca Mbimbiliya. Awa mavidio banawabwaesela bika?
Vidio ya Bika Bimunapande Kulilongesela Mbimbiliya?—Vidio Yamutunu, banaibwaesela kwindula lishungu lya banu bashake kulilongesa Mbimbiliya nameme bakulahela byuma byeka mu bulombelo bwabo. Ikashongangeya banu bawane bikumbululo ku bihula byabo kutundilila mu Mbimbiliya. Inalumbununa munu mwanasa kulombela cilongesa ca Mbimbiliya.
Vidio yaihi ya Bika Bimunapande Kulilongesela Mbimbiliya? inalifu na vidio yamutunu, oloni ikeyo ya minutu yaindondo. Yasa kupanga manene mu citingitingi muli banu banazezama manene.
Vidio ya Bika Bikalingiwa ha Cilongesa ca Mbimbiliya? banaibwaesela kushongangeya banu balilongese Mbimbiliya kwakujeneka kufweta na kukumbulula bihula bibanasa kukala nabyo kutalesa ku cilongesa ca Mbimbiliya na kubakwasa bazibuke mwakulombela cilongesa ca Mbimbiliya.
Vidio ya Twamitambula ku Cilongesa ca Mbimbiliya, banaibwaesela kuimwesa ku bilongesa bya Mbimbiliya. Nameme ei vidio ili ha liputa lyamucibali mu libulu lya Likuweni Kuyoya Myaka Yoshe! oloni mwasa kuimwesa omwo mulilongesa mu broshuwa ya Likuweni Kuyoya Myaka Yoshe! Ei vidio imwesa bilongesa bili mu libulu na byuma bitulinga-linga ha simbu ya kulilongesa.
Nameme awa mavidio kulibimo bibanawabwaesela, oloni twasa kuwapangesa simbu yoshe-yoshe. Baka-kwambulula banapande kuzibuka na kupangesa mwamubwa awa mavidio mu lihya.