Watchtower LAIBRALI YA HA INTANETI
Watchtower
LAIBRALI YA HA INTANETI
Mbunda
  • MBIMBILIYA
  • MABULU
  • BIWANO
  • w20 May pp. 8-11
  • Bimyene Babali ba mu Matangwa a Kukotoka Balilwisa

Haunanyateka kuhesi vidio.

Cabihya, kuli bukalu bunonowesa ei vidio kushokoloka.

  • Bimyene Babali ba mu Matangwa a Kukotoka Balilwisa
  • Kaposhi Ka Kukengela Kali Na Vumwene Vwa Yehova (Kaposhi ka Kukengela ka Kulilongesa)—2020
  • Biñanda bya Kulifwa
  • “Mwene wa ku Kunto” wa mu Matangwa a Kukotoka
    Kaposhi Ka Kukengela Kali Na Vumwene Vwa Yehova (Kaposhi ka Kukengela ka Kulilongesa)—2020
  • Iya Napu “Mwene wa ku Kunto” Ano Matangwa?
    Kaposhi Ka Kukengela Kali Na Vumwene Vwa Yehova (Kaposhi ka Kukengela ka Kulilongesa)—2020
  • Byuma Muka Bikalingiwa ku Bitozi ba Njambi Bibanendeka ku Kujombolola?
    Kaposhi Ka Kukengela Kali Na Bumwene Bwa Yehova (Kaposhi ka Kukengela ka Kulilongesa)—2022
  • Lilongeseniko Bimo ku Bupolofweto Buli mu Mbimbiliya
    Kaposhi Ka Kukengela Kali Na Bumwene Bwa Yehova (Kaposhi ka Kukengela ka Kulilongesa)—2023
Kaposhi Ka Kukengela Kali Na Vumwene Vwa Yehova (Kaposhi ka Kukengela ka Kulilongesa)—2020
w20 May pp. 8-11

Bimyene Babali ba mu Matangwa a Kukotoka Balilwisa

Bupolofweto bumo bubanendeka aha ha cati bwalishulisilile ha simbu ya kulifwa. Co bumwesa ngwabwo tuli mu matangwa a kukotoka.—Ndanye 12:4.

Cati ije imwesa bupolofweto buje butukwasa tuzibuke mwene wa ku kunto na mwene wa ku mbwela kushwa mu 1870 kunena na lelo.
  • Cati 1, imwesa bupolofweto buje bwalishulisilile ha simbu imo kushwa mu 1870 kweta mu 1918. Matangwa a kukotoka ashangumukile mu 1914. Bupolofweto 1: Cikashama wa mitwe 7 ikeye ibanabanga kumwesa ha cati. Mutwe wa bu 7 wa uje cikashama baubulumwine ha Nzita ya Kaye ya Kulibanga. Kushwa mu 1917, mutwe wa bu 7 wa uje cikashama wolele, co na cikashama nendi wakangukile. Bupolofweto 2: Mwene wa ku kunto na mwene wa ku mbwela basholokele mu 1870. Mwene wa ku kunto wa kusholokele lalo mu mu 1871. Lifuti lya Germany likelyo lyapwile mwene wa ku kunto. Ha kulibanga, lifuti lya Britain likelyo lyapwile mwene wa ku mbwela. Oloni mu 1917 Ciyulo ca Nzili ca Kaye ca Anglo-America cikeco capwile mwene wa ku mbwela. Bupolofweto 3: Kushwa lika mu 1870, Charles T. Russell na bakwabo bapwile “muluwa.” Kushwa mu 1881 Magazini ya Zion’s Watch Tower yashongangeyeye banu bambulule muzimbu waubwa. Bupolofweto 4: Kuteja kwashangumukile mu 1914. Tiliku bayangunwine ku shaku. Bupolofweto 5: Kushwa mu 1917, bilyato bya buma bwakupandaka na bikubo byasholokele. Imwesa lalo: Byuma byalingiwile ha Nzita ya Kaye ya Kulibanga kushwa mu 1914 kweta mu 1918. Byuma bibaliwanene nabyo banu ba Yehova: Kushwa mu 1914 kweta mu 1918, Baka-kulilongesa Mbimbiliya babakutile mu kamenga mu Britain na mu Germany. Mu 1918, bandolome baje bakele na kutwamenena ba ku America babakutile mu kamenga.
    Bupolofweto 1.

    Cisoneka Kujo 11:7; 12:13, 17; 13:1-8, 12

    Bupolofweto “Cikashama” nayulu banu ha myaka ya kutubakana 3,000. Mu matangwa a kukotoka, mutwe wendi wa bu 7 baubulumwine. Mu kwita kwa simbu, uje mutwe wolele, co ‘banu boshe ba hasi’ bakabangeyeye cikashama. Satana ali na kupangesa ou cikashama mu kulwisa “baje banasalaho.”

    Mubunalishulisilila Bifulumende bya banu byabingi binayulu hano ha kaye kushwa halyahwilililile Libazi lya Nowa. Co ha Nzita ya Kaye ya Kulibanga, nzili ya fulumende ya Britain yatepulukile manene. Eyi fulumende ikeyo yakele na kuyula ha simbu ije. Yakele na nzili lalo muyalikwatasanene na fulumende ya baka-America. Satana ali na kupangesa biyulo bya bupolitiki mangana ayandese banu ba Njambi, maneneni muno mu matangwa a kukotoka.

  • Bupolofweto 2.

    Cisoneka Ndanye 11:25-45

    Bupolofweto Muno matangwa a kukotoka, mwene wa ku kunto na mwene wa ku mbwela bali na kulwila nzili ya kuyula.

    Mubunalishulisilila Ciyulo ca Germany na ciyulo ca Anglo-America cili na kulwila nzili. Mu 1945, mwene wa ku kunto wapwile fulumende ya Soviet Union na bifulumende bije byalikwatasanene nayo. Mu 1991, fulumende ya Soviet Union yahwile, co mu kwita kwa simbu, lifuti lya Russia na mafuti aje alikwatasanene nalyo akewo akupwile mwene wa ku kunto.

  • Bupolofweto 3.

    Bisoneka Isaya 61:1; Mala 3:1; Luka 4:18

    Bupolofweto Yehova watumine “muluwa” wendi mangana ‘abwahese ngila’ simbu kanda Bumwene bwa Mesiya babushimbike. Eci cibunga cambulwile muzimbu waubwa ku banu bababotsi.

    Mubunalishulisilila Kushwa mu 1870, C. T. Russell na bakwabo bashangumukile kulilongesa Mbimbiliya mangana bawane busunga. Mu 1881, bashangumukile kushongangeya banu ba Njambi bambulule na nzili. Ngeci, basonekele ñanda ya mutwe wa, “Tutonda Baka-Kwambulula ba Kupwa 1,000” nei ya kwendeka ngwayo “Banamyangula Mangana Mwambulule.”

  • Bupolofweto 4.

    Cisoneka Mateo 13:24-30, 36-43

    Bupolofweto Munalume umo wakunine tiliku mu lihya lyendi, co citozi cendi wakuninemo shaku. Ije shaku yakolele kutubakana tiliku, oloni ha simbu ya kuteja, tiliku bayangunwine ku shaku.

    Mubunalishulisilila Kushwa mu 1870, baka-Kilistu ba busunga balyangunwine ku baka-Kilistu ba makuli. Muno mu matangwa a kukotoka, baka-Kilistu ba busunga bali na kubakungulwila mu munga ya Njambi, co bali na kulyangununa ku baka-Kilistu ba makuli.

  • Bupolofweto 5.

    Cisoneka Ndanye 2:31-33, 41-43

    Bupolofweto Kamponya wa kumunga ha bikubo bya kuliseza-seza ali na bilyato bya buma na bikubo.

    Mubunalishulisilila Buma bwimanena banu baje bali mwisi ya Ciyulo ca Nzili ca mu Kaye Koshe ca Anglo-America, baje bali na kulwisa eci ciyulo. Ngeci, eci ciyulo kucasa kukala manene na nzili mwafwa ya aba banu.

  • Cati 2, imwesa bupolofweto buje bwalishulisilile ha simbu imo kushwa mu 1919 kweta mu 1945. Lifuti lya Germany lyapwile mwene wa ku kunto kweta na mu 1945. Mwene wa ku mbwela napu Ciyulo ca Nzili ca mu Kaye Koshe ca Anglo-America. Bupolofweto 6: Mu 1919, baka-Kilistu ba kubwabesa babakungulwilile mu cikungulukilo ca kujela. Co kushwa mu 1919 banatwalelelaho kwambulula na nzili. Bupolofweto 7: Munga ya League of Nations yashangumukile mu 1920, co yakeleko kweta na ha Nzita ya Kaye ya mu Cibali. Imwesa lalo: Bupolofweto 1, cikashama wa mitwe 7 atwalelelaho. Bupolofweto 5, bilyato bya buma bwakupandakana na bikubo bitwalelelaho. Byuma byalingiwile ha Nzita ya Kaye ya mu Cibali kushwa mu 1939 kweta mu 1945. Byuma bibanaliwana nabyo banu ba Yehova: Bakaleho bakutubakana 11,000 babakutile mu kamenga mu Germany kushwa mu 1939 kweta mu 1945. Bakaleho bakweta ku 1,600 babakutile mu kamenga mu Britain kushwa mu 1939 kweta mu 1945. Bibunga bya banu byalwisile Bakaleho ha bisimbu bya kutubakana 2,500 mu America kushwa mu 1940 kweta mu 1944.
    Bupolofweto 6.

    Cisoneka Mateo 13:30; 24:14, 45; 28:19, 20

    Bupolofweto “Tiliku” baikungulwilile mu “cishete,” co ‘ndungo wa kulongwa na kunyanyama’ bamwangwile mangana anyunge “bakwabo bangamba.” Co muzimbu waubwa wa Bumwene bashangumukile kuwambulula mu kaye koshe.

    Mubunalishulisilila Mu 1919, ndungo wa kulongwa bamwangwile mangana atwamenene banu ba Njambi. Kushwa mu mwaka uje bene, baka-kulilongesa Mbimbiliya batwaleleleho kwambulula na ntwima. Ano matangwa, Bakaleho ba Yehova bali na kwambulula mu mafuti a kutubakana 200, co bali na kusoneka mabulu a kukundama ku Mbimbiliya mu bindaka bya kutubakana 1,000.

  • Bupolofweto 7.

    Bisoneka Ndanye 12:11; Kujo 13:11, 14, 15

    Bupolofweto Cikashama wa bimbinga bibali washongangeyeye banu bamunge cifwisa ca cikashama. Co wacihwiminine mwonyo.

    Mubunalishulisilila Ciyulo ca Nzili ca mu Kaye Koshe ca Anglo-America camungile munga ya League of Nations. Co kwakele mafuti akwabo alikwatasanene neyi munga. Kushwa mu 1926 kutwala 1933, mwene wa ku kunto nendi walikwatasanene neyi munga. Bumwene bwa Njambi bukebwo lika bwasa kunena kwoloka mu kaye. Oloni banu bakulahelele munga ya League of Nations ngwabo yasa kunena kwoloka mu kaye ngwe mubali na kulingila lalo banu matangwa ano ha munga ya United Nations (UN).

  • Cati 3, imwesa bupolofweto buje bwalishulisilile ha simbu imo kushwa mu 1945 kweta mu 1991. Fulumende ya Soviet Union na mafuti aje alikwatasanene nayo apwile mwene wa ku kunto kweta na mu 1991. Kutundaho, lifuti lya Russia na mafuti aje alikwatasanene nalyo akewo anapu mwene wa ku kunto. Co Ciyulo ca Nzili ca mu Kaye Koshe ca Anglo-America cikeco cinapu mwene wa ku mbwela. Bupolofweto 8: Mbomba inatubika, bwisi buli na kukakumuka kumwesa byuma byabingi bicabiisile Ciyulo ca Nzili ca mu Kaye Koshe ca Anglo-America. Bupolofweto 9: Munga ya United Nations yashangumukile mu 1945, ikeyo yengile munga ya League of Nations. Imwesa lalo: Bupolofweto 1, cikashama wa mitwe 7 atwalelelaho. Bupolofweto 5, bilyato bya buma bwakupandakana na bikubo bitwalelelaho. Bupolofweto 6, mu 1945 kwakele baka-kwambulula bakutubakana 156,000. Mu 1991, kwakele baka-kwambulula bakutubakana 4,278,000. Byuma bibaliwanene nabyo banu ba Yehova: Kushwa mu 1945 kweta mu 1950, fulumende ya soviet union yatwalele Bakaleho babangi ku Siberia.
    Bupolofweto 8.

    Cisoneka Ndanye 8:23, 24

    Bupolofweto Mwene wa kutewesa “akabiisa manene byuma mu ngila ya kukomokesa.”

    Mubunalishulisilila Ciyulo ca Nzili ca mu Kaye Koshe ca Anglo-America cinatsii banu babangi na kubiisa manene byuma. Cakumwenako, ha Nzita ya Kaye ya mu Cibali baka-America bashele bimbomba bibali byakama mu lifuti lije lyalwisile Britain na America. Kanda kukaleho laja bimbomba byabiisile manene byuma ngwe bije.

  • Bupolofweto 9.

    Bisoneka Ndanye 11:31; Kujo 17:3, 7-11

    Bupolofweto “Cikashama wa kubenga” wa bimbinga 10 watundile mu mbulu ya kujeneka masima, co ikeye mwene wa bu 8. Mukanda wa Ndanyele unatumbula ou mwene ngwawo napu ‘cuma ca bunyengwe cije cinena kunyonga.’

    Kulishulisilila Nzili ya munga ya League of Nations yahwile ha Nzita ya Kaye ya mu Cibali. Muyahwile nzita, bashimbikile munga ya UN. Eyi munga bali na kuyana kasingimiko kaje kanapande Bumwene bwa Njambi ngwe mubakele na kusingimikila munga ya League of Nations. Munga ya UN ikalwisa bulombelo.

  • Cati 4, imwesa bupolofweto buje bwalishulisilile ha simbu imolika kutunda hawanashangumukile matangwa a kukotoka kutwala na ha Alamagidoni. Lifuti lya Russia na mafuti aje analikwatasana nalyo akewo anapu mwene wa ku kunto. Mwene wa ku mbwela napu Ciyulo ca Nzili ca mu Kaye Koshe ca Anglo-America. Bupolofweto 10: Baka-kuyula batambeka ngwabo “byuma byoshe bili mwamubwa kunoloka kuluu.” Co ñababa yakama ikashangumuka. Bupolofweto 11: Baka-kuyula bakalwisa bulombelo bwa makuli. Bupolofweto 12: Bifulumende bikalwisa banu ba Njambi. Bakubwabesa baje bakasalaho bakabakungulwila mwilu. Bupolofweto 13: Alamagidoni. Uje walondele ha kabalu wa kutoka akamanesa kuhyana kwendi. Cikashama wa mitwe 7 bakamunyongesa; biyato bya kamponya wakama bya buma bwa kupandakana na bikubo bakabitika. Imwesa lalo: Bupolofweto 1, cikashama wa mitwe 7 atwalelelaho kutwala na ha Alamagidoni. Bupolofweto 5, buma bwa kupandakana na bikubo butwalelelaho kweta na ha Alamagidoni. Bupolofweto 6, ano matangwa kuli baka-kwambulula bakutubakana 8,580,000. Byuma bibanaliwana nabyo banu ba Yehova: Kushwa mu 2017, fulumende ya Russia inakutu Bakaleho na kubanyeka ofisi ya munango.
    Bupolofweto 10 na 11.

    Bisoneka 1 Tesa 5:3; Kujo 17:16

    Bupolofweto Baka-kuyula bakatambeka ngwabo “byuma byoshe bili mwamubwa kunoloka kulu.” Co ‘bimbinga likumi’ na “cikashama bakalwisa “cikwizi” na kumunyongesa. Co aba baka-kuyula bakabanyongesa.

    Kulishulisilila Baka-kuyula bakalishasha ngwabo bananene kwoloka. Co mafuti aje analikwatasana na munga ya UN akanyongesa bulombelo bwoshe bwa makuli. Awa akewo akapwa mashangumukilo a ñababa yakama. Eyi ñababa ikahwa omwo Yesu akanyongesa kano kaye ka Satana ha nzita ya Alamagidoni.

  • Bupolofweto 12.

    Bisoneka Ezeki 38:11, 14-17; Mateo 24:31

    Bupolofweto Ngonge akakobela mu lifuti lya banu ba Njambi. Co tungelo bakakungulula “baje baangwile.”

    Kulishulisilila Mwene wa ku kunto na bifulumende byoshe bya mu kaye bakalwisa banu ba Njambi. Mubakashangumuka lika kulwisa banu ba Njambi, co bakubwabesa baje bakakalako bakabakungulwila mwilu.

  • Bupolofweto 13.

    Bisoneka Ezeki 38:18-23; Ndanye 2:34, 35, 44, 45; Kujo 6:2; 16:14, 16; 17:14; 19:20

    Bupolofweto Uje walondele ha kabalu wa kutoka akamanesa kuhyana kwendi omwo akanyongesa Ngonge na maswalale bendi. Co “cikashama” bakamumbila mu lishali lya tuhya, co lalo kamponya wakama nendi bakamutika-tika.

    Kulishulisilila Yesu uje wapwa Mwene wa Bumwene bwa Njambi, akaamena banu ba Njambi. Co akalikwatasana na baje bakayula nendi ba kupwa 144,000, na maswalale bendi ba tungelo, bakanyongesa mafuti oshe aje akalikwatasana mu kulwisa banu ba Njambi. Co kaye ka Satana hakeho hakakahwila koshe njwa.

    Mabulu a Mbunda (1987-2026)
    Tundaho
    Kobela
    • Mbunda
    • Anako bakweni
    • Biushaka
    • Copyright © 2025 Watch Tower Bible and Tract Society of Pennsylvania
    • Mashiko a Mwakuipangesela
    • Mwakupangesela Mizimbu Yobe
    • Mwakunonekela Mizimbu Yobe
    • JW.ORG
    • Kobela
    Anako Bakweni