Watchtower LAIBRALI YA HA INTANETI
Watchtower
LAIBRALI YA HA INTANETI
Mbunda
  • MBIMBILIYA
  • MABULU
  • BIWANO
  • mrt cilongesa 81
  • Njambi Akakwasa Bati Tubebebe?

Haunanyateka kuhesi vidio.

Cabihya, kuli bukalu bunonowesa ei vidio kushokoloka.

  • Njambi Akakwasa Bati Tubebebe?
  • Biñanda Bikwabo
  • Tumitwe twa Biñanda
  • Biñanda bya Kulifwa
  • Njambi Wamona Bati Tubebebe?
  • Bakaleho ba Yehova Bali na Kukwasa Bati Tubebebe?
  • Bikwata Muka bya Kupangesa mu Kulongesa Bitukatuhwisa?
  • Kupwa Kaveveve Kukwanjonowethele Kulongetha Vakwetu
    Kaposhi Ka Kukengela Kali Na Vumwene Vwa Yehova (Kaposhi ka Kukengela ka Kulilongetha)—2017
Biñanda Bikwabo
mrt cilongesa 81
Umo wa Bakaleho ba Yehova ali na kumwesa munakazi umo vidio ya mu ndaka ya tubebebe oku banemana ku cintolo cibakalandesela bya kunwa. Munakazi ali na kukenga vidio oku nabwahelela.

Njambi Akakwasa Bati Tubebebe?

Ano matangwa, mu kaye muli tubebebe ba kweta ku 70 milyoni, co bakendeka imo ya bindaka bya tubebebe bya kutubakana 200. Calubinda, kakangi tubebebe bakabalingi mwamubi mu bingila binatako:

  • “Banu babangi mu kaye bali na kuyengula lisesa lya kulinga byuma lya tubebebe na tusinda matwi.”—National Association of the Deaf (U.S.).

  • “Mu mafuti a kuhutwa, tubebebe nabo banapu bamo ba banu ba kuhutuwa manene, co kubesi na kulilongesa mwamubwa ku masikola, kuwana bipangi byabibwa nambe mizimbu ibakwasa.”—World Federation of the Deaf.

Njambi akalizibi bati hali tubebebe? Mbimbiliya yendeka bika hali tubebebe? Co Bakaleho ba Yehova bali na kubakwasa bati?

Njambi Wamona Bati Tubebebe?

Mbimbiliya inamwesa ngwayo Yehovaa Njambi waka mbunge tubebebe. Ashaka ngwendi babalinge mwamubwa na kuwana bukwasi ku bilongesa byali na kubwahesa.

Cisoneka: ‘Keti mukasinge kabebebe.’—Balebi 19:14.

Bicilumbununa: Lishiko lya Yehova ku baIsalele ba kusañulu lyanyungililile lisesa lya tubebebe.

Cisoneka: “Njambi kesi na kangu.”—Bilinga 10:34.

Bicilumbununa: Yehova waka mbunge banu ba ku bisemwa, byoshe na miyati yoshe, na bindaka byoshe, kwambateselela na tubebebe.

Cisoneka: “Yesu waile na kwitangana . . . , na kwambulula muzimbu waubwa wa Bumwene.”—Mateu 9:35.

Bicilumbununa: Yesu wezile hano hasi na kulongesa banu bya Bumwene bwa Njambi nebi bibukalingila banu boshe kwambateselela na tubebebe.—Mateu 6:10.

Cisoneka: Yesu walingisile “tusinda-matwi bazibe na tubebebe bendeke.”—Maki 7:37.

Bicilumbununa: Yesu wamwesele bibukalinga Bumwene bwa Njambi omwo tubebebe bakaziba na kwendeka. Simbu kanda amukangwise mangana azibe na kwendeka, Yesu wapangesele maboko mu kusimutwiya na uje munalume wapwile kabebe.—Maki 7:31-35.

Cisoneka: “Matwi a tusinda-matwi nawo akazikuka.”—Isaya 35:5.

Bicilumbununa: Yehova wapolofwetele ngwendi tubebebe bakaziba.—Isaya 29:18.

Bakaleho ba Yehova Bali na Kukwasa Bati Tubebebe?

Bakaleho ba Yehova bali na kwambulwila tubebebe mu kaye koshe muzimbu wa Njambi uje ubakwasa bakale na lilabelelo. Bika bituli na kulinga bije bili na kutukwasa kubambulwila? Tuli na kutuhula Mbimbiliya na mavidio a kupangesa mu kulilongesa Mbimbiliya mu bindaka bya tubebebe bya kutubakana 100. Tukalongesa Mbimbiliya na kubwahesa biwano bya baka-Kristu mu ndaka ya tubebebe. Kutwesi kufwetesa munu ashaka kulilongesa bya Njambi. Mwafwa bika? Mwafwa Yesu washikile ngwendi: “Bamyanene bya bwana, co neni aneni bya bwana.”—Mateu 10:8.

Mwasa kuwana byuma bimutonda ha webusaiti nambe kubilinga daunilodi ha likina lyeni nga mulinga byuma binatako:

Ha kuwanena ndaka ha jw.org.

Ha JW.ORG. Nyatekeni ha cimweso ca ndaka helu ya liputa lyoshe-lyoshe lya ha webusaiti mangana mwase kuwana biñanda bimutonda mu ndaka ya tubebebe imushaka.

Apu ya “JW Library Sign Language”.

Apu ya JW Library Sign Language. Mwasa kwaka ei apu ha likina lyeni kwa kujeneka kufweta mangana mwase kulinga daunilodi nambe kukenga mavidio mu ndaka ya tubebebe kupangesa intaneti.

Bikwata Muka bya Kupangesa mu Kulongesa Bitukatuhwisa?

Mbimbiliya mu ndaka ya tubebebe. Mbimbiliya ya Bisoneka bya Kaye Kakaha mu Ndaka ya Tubebebe ya ku America ikeyo Mbimbiliya ya mutunu yakulibanga kutuhuka mu kaye koshe. Mbimbiliya ya Bisoneka bya Kaye Kakaha ya mutunu nambe mutamba wayo ili na kuwaniwa mu bindaka bya tubebebe byabingi, co bindaka bikwabo bili na kulibwezelela mwaka na mwaka. (Nga mushaka kumona mukana nambe kukenga vidio ya Mbimbiliya, taleni cipalo ca “Mbimbiliya ya Bisoneka bya Kaye Kakaha mu Ndaka ya Tubebebe.”)

  • Kengeni vidio ya Ingilishi ya The Complete New World Translation Is Available in ASL mangana mumone kulifwita cikakala ha kutuhula Mbimbiliya mu ndaka ya tubebebe.

  • Nga mushaka kulikuwa kutanda Mbimbiliya, lingeni daunilodi apu ya JW Library Sign Language. Ei apu imikwasa mwangule mavesi amutonda mu Mbimbiliya ya mu ndaka ya tubebebe.

  • Dmytro na Vita bapwa tubebebe, oloni bana babo keti tubebebe. Taleni kukenga mavidio a Mbimbiliya mu ndaka ya tubebebe ha litangwa na litangwa mukukakwasela naanga yabo.

Mavidio anemana ha Mbimbiliya. Bakaleho ba Yehova banatuhula mavidio mu ndaka ya tubebebe aje akakwasa banu bazibisise na kupangesa binangulo bya mu Mbimbiliya . . .

  • Baje bali mu bulo na binaanga

  • Bakwenje na bambanda na bakulunu

  • Banike

Kulilongesa Mbimbiliya. Lilongeseni Mbimbiliya mu ndaka ya tubebebe na munu uje amilongesa. Co mwasa kulilongesa kwesekesa nomu mumwasela. Lombeni mangana bamimwese mutukalilongesela Mbimbiliya kwa kujeneka kufweta.

Jeson Senajonon wakala ku Philippines. Nangukeni omwo kulilongesa Mbimbiliya kwamukwaselele alikute busamba bwa kukanyama na Njambi.

Mario Antúnez ali na kwendeka mu ndaka ya tubebebe.

Mario Antúnez wapwile pasta mu lifuti lya Honduras. Zibukeni mwawanenene bikumbululo ku bihula byendi bya mu Mbimbiliya ngwe mwanalumbunwina mu muzimbu wendi wa mu kuyoya ngwendi: “Njakele na Bihula Byabingi Kutubakana Bikumbululo.”

Biwano bya cikungulukilo na biwano byeka. Tuli na bikungulukilo na bibunga bya mu ndaka ya tubebebe kuje kubakalikungulwila tubebebe na kulemesa Njambi calumingo na calumingo. Co lalo mwaka na mwaka, tukabwahesa biwano byakama bya kulilongesa Mbimbiliya mu ndaka ya tubebebe. Oku ku biwano bya cikungulukilo na biwano byeka, tukabwahesa lalo na lumbunwisi ya ndaka ya tubebebe ya baje bapwa lalo tupuputwa. Tukabwahesa lalo na mabulu mu bisona bya tupuputwa kwa kujeneka kufwetesa.

  • Waneni cikungulukilo cili hayehi neni.

  • Zibukeni biwano bya mutambela na bya citingitingi bitukakala nabyo mwaka na mwaka.

  • Tumilanya ku Canukiso ca kutsa kwa Yesu, ciwano ca seho manene citukakala naco mu mwaka.

José Luis Ayala wakala ku Mexico. Wasemukile oku kabebe, co mu kwita kwa simbu wapwile kapuputwa. Zibukeni mubamukwaselele mangana apwe mulongesi wa Mbimbiliya wa kuhya.

Mbimbiliya ya Bisoneka bya Kaye Kakaha mu Ndaka ya Tubebebe

Kushangumuka lya 1 January, 2025, ei Mbimbiliya yayasi kuizibisisa ya mutunu nambe mutamba wayo iwaniwa mu bindaka binatako.

Mbimbiliya ibanafukula.

Mbimbiliya ya Mutunu

  • Ndaka ya Tubebebe ya ku America

  • Ndaka ya Tubebebe ya ku Brazil

  • Ndaka ya Tubebebe ya ku Italy

  • Ndaka ya Tubebebe ya ku Mexico

  • Ndaka ya Tubebebe ya ku Russia

Mbimbiliya ibanafukula.

Bisoneka bya Cigriki bya Baka-Kristu (“Testamenti Yaiha”)

  • Ndaka ya Tubebebe ya ku Argentina

  • Ndaka ya Tubebebe ya ku Britan

  • Ndaka ya Tubebebe ya ku Chile

  • Ndaka ya Tubebebe ya ku Colombia

  • Ndaka ya Tubebebe ya ku Ecuador

  • Ndaka ya Tubebebe ya ku India

  • Ndaka ya Tubebebe ya ku Japan

  • Ndaka ya Tubebebe ya ku Korea

  • Ndaka ya Tubebebe ya ku Malawi

  • Ndaka ya Tubebebe ya ku Peru

  • Ndaka ya Tubebebe ya ku Poland

  • Ndaka ya Tubebebe ya ku South Africa

  • Ndaka ya Tubebebe ya ku Spain

  • Ndaka ya Tubebebe ya ku Zimbabwe

Mbimbiliya ibanafukula.

Mikanda Imo ya mu Mbimbiliya

  • Ndaka ya Tubebebe ya ku Angola

  • Ndaka ya Tubebebe ya ku Australia (Auslan)

  • Ndaka ya Tubebebe ya ku China

  • Ndaka ya Tubebebe ya ku Cuba

  • Ndaka ya Tubebebe ya ku Philippines

  • Ndaka ya Tubebebe ya France

  • Ndaka ya Tubebebe ya ku Germany

  • Ndaka ya Tubebebe ya ku Indonesia

  • Ndaka ya Tubebebe ya ku Mozambique

  • Ndaka ya Tubebebe ya ku Venezuela

  • Ndaka ya Tubebebe ya ku Zambia

Mavesi amo awaniwa mu bindaka bya tubebebe bikwabo.

a Yehova likelyo lizina lya Njambi. (Samu 83:18) Taleni ñanda ya mutwe wa, “Yehova Ikeye Iya?”

    Mabulu a Mbunda (1987-2026)
    Tundaho
    Kobela
    • Mbunda
    • Anako bakweni
    • Biushaka
    • Copyright © 2025 Watch Tower Bible and Tract Society of Pennsylvania
    • Mashiko a Mwakuipangesela
    • Mwakupangesela Mizimbu Yobe
    • Mwakunonekela Mizimbu Yobe
    • JW.ORG
    • Kobela
    Anako Bakweni