Bika Bibukalinga Bumwene bwa Njambi ku Bukalu Bunalisala mu Kaye?

“Kushaluka manene nambe kutonola manene kwa kaye kuli na kunenela byuma byoshe bya kuyoya bukalu, co lalo kuli na kulingisa banu babangi bakale na bishoti. Bukalu bwa kulizila buli na kulibwezelela manene mwafwa ya kushaluka manene nambe kutonola manene kwa kaye, co buli na kubiisa binjibo na byuma ha banapande kuliyoyesela banu mu kaye koshe. Tulunga-ndonga bali na kushaluka manene, co oku kulingisa byuma bya kuyoya bya mu tulunga-ndonga bitse.”—Inger Andersen, uje wapwa mukwasi wa ntwama wa munga ya United Nations, co lalo ntwama wa munango wa UN uje utala muinafwila myela, July 25, 2023.

Kuma baka-bifulumende basa kupangela hamo na kumanesa bukalu buli mu kaye ndi? Kuma basa kuwana ngila yaibwa mwa kumanesela bukalu buli mu kaye ndi?

Mbimbiliya inendeka bya fulumende ije ikamanesa bukalu bwoshe buli muno mu kaye. Ngwayo “Njambi wa mwilu akaka bumwene buje kubukahu” fulumende ije ikatwamenena byuma byoshe hano hasi na kumanesa bukalu bwoshe. (Daniele 2:44) Ei fulumende muikayula kaye kukwesi munu ‘akabulumuna’ munu mukwabo nambe kubiisa kaye.—Isaya 11:9.