Mwafwa Bika Banu Kubasa Kukala mu Kwoloka na Bakwabo?—Bika Biyendeka Mbimbiliya?

Bantwama ba kaye na bimunga bya muno mu kaye kubyasele kunena kwoloka. Kutunda lika ha Nzita ya Kaye Yamucibali, ano matangwa kuli manene lwozi kutubakana kunima. Banu bakweta ku 2 billion, namba ije ikobela luwana mu totala ya banu ba mu kaye koshe bali ku mitambela kuje kuli lwozi.

Mwafwa bika banu kubasa kunena kwoloka? Bika biyendeka Mbimbiliya?

Byuma bitatu bili na kwonowesa banu kunena kwoloka

1. 1. Banu bali na kumwesa bifwa bibalingisa keti base nameme kusinganyeka bya kukala mu kwoloka na bakwabo. Mbimbiliya yapolofwetele ngwayo mu simbu yetu “banu bakapwa baka-kulizema bakebo babenya, baka-kuzema bimbongo, baka-kulishasha, baka-kulyalesa, . . . bakujeneka kulongwa, . . . baka-kubyana kulitabasana na bakwabo, . . . baka-kujeneka kukwata mbunge, bakutewesa, . . . bamwatala-temo, baka-kulijundula.”—2 Timothi 3:2-4.

2. 2. Banu, ipwe munu umolika nambe cibunga, kubesi na nzili ya kumanesa bukalu bwabo kwa kujeneka bukwasi bwa Ishamatanga yabo Yehovaa Njambi. Mbimbiliya ngwayo, “Munu ikeye babenya kesi na nzili ya kwenda mwoshe mwashakela.”—Njelemiya 10:23.

3. 3. Kaye kali mu nzili ya Satana Liyabolo uje wapwa munu wamubi, co lalo “ali na kungumuna lifuti-libu lyoshe.” (Kujombolola 12:9) Binzita na lwozi bitwalelelaho kukalako nga kaye katwalelelaho kukala “mu nzili ya uje wamubi.”—1 Iwano 5:19.

Iya asa kunena kwoloka?

Mbimbiliya ngwayo keti banu bakanena kwoloka, oloni Njambi.

• ‘Njizibuka matumbe njili nawo hali yeni, matumbe a kuminenela bibezikiso, keti a kuminenela tuyando twakama embwe, matumbe a kuyoya kulutwe kuje kunashulu na lilabelelo.’—Njelemiya 29:11.

Njambi akashulisilila bati eci cikulaheso? ‘Njambi uje akana kwoloka, akatika Satana.’ (Loma 16:20) Njambi akapangesa fulumende ya mwilu ije ibanatumbula mu Mbimbiliya ngwabo “Bumwene bwa Njambi,” mangana anene kwoloka mu kaye koshe. (Luka 4:43) Mwene wobu Bumwene Yesu Kristu mwakayula, banu bakabalongesa mwakukela mu kwoloka.—Isaya 9:6, 7.

• Nga mushaka kuzibuka byabingi, tandeni cilongesa ca “Bika Bibukalinga Bumwene bwa Njambi?”