Watchtower LAIBRALI YA HA INTANETI
Watchtower
LAIBRALI YA HA INTANETI
Mbunda
  • MBIMBILIYA
  • MABULU
  • BIWANO
  • Levitike 23
  • Mbimbiliya ya Bisoneka bya Kaye Kakaha

Haunanyateka kuhesi vidio.

Cabihya, kuli bukalu bunonowesa ei vidio kushokoloka.

Biñanda Bili ku Levitike

      • Matangwa a kujela, na bilika (1-44)

        • Sabata (3)

        • Paseka (4, 5)

        • Cilika ca Makende a Kujeneka Musima (6-8)

        • Kwana bimbuto byakulibanga kuteja (9-14)

        • Cilika ca Byalumingo (15-21)

        • Kuteja mu ngila inapande (22)

        • Cilika ca Kwohya kwa Lupembo (23-25)

        • Litangwa lya Kukonekela Bubi (26-32)

        • Cilika ca Mapapela (33-43)

Levitike 23:13

Mafutunoti

  • *

    Mitamba ibali ya ha mitamba 10 ya efa yapwile hamo na malita 4.4. Taleni Biñanda bya ku Shongo ha B14.

  • *

    Hini yapwile hamo na malita 3.67. Taleni Biñanda bya ku Shongo ha B14.

Levitike 23:17

Mafutunoti

  • *

    Mitamba ibali ya ha mitamba 10 ya efa yapwile hamo na malita 4.4. Taleni Biñanda bya ku Shongo ha B14.

Levitike 23:27

Mafutunoti

  • *

    “Kuliyandesa yeni babenya” kubanendeka aha kunasa kulumbununa kulibindika byuma bimo, kwambateselela na kulyumina byakulya.

Levitike 23:29

Mafutunoti

  • *

    Nambe hamo “kukalyumina byakulya.”

  • Mbimbiliya ya Bisoneka bya Kaye Kakaha
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31
  • 32
  • 33
  • 34
  • 35
  • 36
  • 37
  • 38
  • 39
  • 40
  • 41
  • 42
  • 43
  • 44
Mbimbiliya ya Bisoneka bya Kaye Kakaha
Levitike 23:1-44

Levitike

23 Yehova watwaleleleleho kuleka Mosesa ngwendi: 2 “Leka Baisalele ngwobe, ‘Bilika bya Yehova bimunapande kutambeka binapu biwano bya kujela. Ebi bikebyo bilika byange:

3 “‘Mwasa kupanga bipangi ha matangwa 6, oloni litangwa lya bu 7 linapu sabata ya kuhwima, linapu litangwa lya ciwano ca kujela. Kumwapandele kupanga bipangi byoshe-byoshe, linapu litangwa lya sabata kuli Yehova kwoshe kumuli.

4 “‘Ebi bikebyo bilika bya Yehova, kulumbununa biwano bya kujela bimunapande kutambeka ha simbu yabyo ibanangula: 5 Paseka ya Yehova ikakalako mu ngonde yakulibanga, ha litangwa lya bu 14 omu mu ngonde munima ya kulahuka kwa litangwa simbu kanda kuzibale.

6 “‘Cilika ca Makende a Kujeneka Musima ca Yehova cikakalako ha litangwa lya bu 15 omu mu ngonde. Co munapande kulya makende a kujeneka musima ha matangwa 7. 7 Ha litangwa lyakulibanga mukalinga ciwano ca kujela. Kumwapandele kupanga bipangi bya kulema. 8 Oloni munapande kwana bwana bwa kwenyeka mu tuhya kuli Yehova ha matangwa 7. Kukakala ciwano ca kujela ha litangwa lya bu 7. Kumwapandele kupanga bipangi bya kulema.”’

9 Yehova watwaleleleleho kuleka Mosesa ngwendi: 10 “Leka Baisalele ngwobe, ‘Mumuketa mu lifuti linjimyana, mumukateja bimbuto muje mu lifuti, munapande kukanena mukuta wa bimbuto byeni byakulibanga bimukateja na kuwana kapilistu. 11 Co akahwingisa uje mukuta noku-noku halutwe lwa Yehova mangana bamitambule. Kapilistu napande kuuhwingisa ha litangwa linatako, kutunda ha litangwa lya sabata. 12 Ha litangwa lyakahwingisa uje mukuta munapande kwana muna manga wa nkomba wamubwa uje ali na mwaka umo kupwa bwana bwa kwenyeka kuli Yehova. 13 Bwana bwawo bwa binona bunapande kupwa mitamba ibali ya ha mitamba 10 ya efa* ya fulawa yaibwa ya kushinga na mazi kupwa bwana bwa lwengo lwalubwa bubenyeka mu tuhya kuli Yehova. Bwana bwawo bwa byakunwa bukapwa mutamba umo wa ha mitamba iwana ya hini* ya binyu. 14 Kumwapandele kulya likende nambe binona bya kwoca nambe binona byabiha kweta na ha litangwa eli, kubanga mumukanena bwana bwa Njambi yeni. Eli linapu lishiko lya myaka na myaka limunapande kukabangeya mu bisemwa byeni byoshe, kwoshe kumukala.

15 “‘Kutunda ha Sabata, munapande kutanda bisabata 7 kutunda ha litangwa limunena mukuta wa bwana bwa kuhwingisa. Binapande kupwa byalumingo bya kushula. 16 Mukatanda matangwa 50 kweta na ha litangwa linatako kutunda ha Sabata ya bu 7, co munapande kwana bwana bwa binona byabihya kuli Yehova. 17 Munapande kunena makende abali a bwana bwa kuhwingisa kutunda ku binjibo byeni. Awa makende munapande kuwapanga ha mitamba ibali ya ha mitamba 10 ya efa* ya fulawa yaibwa. Munapande kuwoca na musima kupwa binona byakulibanga bimunateje bimwana kuli Yehova. 18 Co mumukana makende, munapande kukawana hamo na bimanga ba nkomba bababwa ba kupwa 7. Umo na umo wabo napande kupwa wa mwaka umo. Munapande kukana awa makende lalo na muna ngombe umo wa nkomba na bimanga babali ba nkomba. Bakapwa bwana bwa kwenyeka kuli Yehova, buje bwendelela hamo na bwana bwa binona na bwana bwa byakunwa kupwa bwana bubenyeka mu tuhya bwa lwengo lwalubwa kuli Yehova. 19 Co munapande kukana muna membe umo kupwa bwana bwa kufwika bubi na bimanga babali ba nkomba baje bali na mwaka umo kupwa mulambu wa kulila hamo. 20 Kapilistu akabihwingisa noku-noku hamolika na makende abanapanga ha binona byakulibanga bibanateje, kupwa bwana bwa kuhwingisa halutwe lwa Yehova. Akabihwingisa hamo na bimanga babali ba nkomba. Bikapwa byuma bya kujela kuli Yehova, co bikapwa bya kapilistu. 21 Ha litangwa eli, mukatambeka ngweni mukala na ciwano ca kujela. Kumwapandele kupanga cipangi ca kulema. Eli linapu lishiko lya myaka na myaka mu myela mwoshe mumukakala mu bisemwa byeni byoshe.

22 “‘Mumukateja mahya a mu lifuti lyeni, kumwapandele kukateja bimbuto byoshe bili ku shongo ya mahya eni, co kumwapandele kukanonongola bije binasala ku byuma bimukateja. Munapande kukabisezela tuhutu na banu ba ku mafuti eka. Yange Yehova Njambi yeni.’”

23 Yehova watwaleleleleho kuleka Mosesa ngwendi: 24 “Leka Baisalele ngwobe, ‘Mu ngonde ei ya bu 7, ha litangwa lyakulibanga omu mu ngonde, munapande kukahwima ku bipangi byeni byoshe, likapwa litangwa lya canukiso, co mumukaziba lupembo mukalikungulule na kulinga ciwano ca kujela. 25 Kumwapandele kupanga bipangi bya kulema, munapande kwana bwana bwa kwenyeka mu tuhya kuli Yehova.’”

26 Yehova walekele lalo Mosesa ngwendi: 27 “Oloni litangwa lya bu 10 omu mu ngonde ya bu 7 likapwa Litangwa lya Kukonekela Bubi. Munapande kukalinga ciwano ca kujela, co munapande kukaliyandesa yeni babenya* na kwana bwana bwa kwenyeka mu tuhya bubana kuli Yehova. 28 Keti mukapange cipangi coshe-coshe ha litangwa eli, mwafwa linapu litangwa lya kukonekela bubi mangana bamikonekele bubi ku mesho a Yehova Njambi yeni. 29 Woshe uje kakaliyandesa babenya* ha litangwa eli, banapande kukamutsiya. 30 Co munu woshe-woshe uje akapanga cipangi coshe-coshe ha litangwa eli, njikamunyongesa. 31 Kumwapandele kupanga cipangi coshe-coshe. Eli linapu lishiko lya myaka na myaka mu bisemwa byeni byoshe, kwoshe kumukakala. 32 Linapu litangwa lya sabata, litangwa lya kuhwima lya kulitila kuli yeni, co munapande kukaliyandesa yeni babenya ha litangwa lya bu 9 omu mu ngonde ku mangwezi. Munapande kunyunga sabata kutunda mangwezi kuya mangwezi.”

33 Yehova walekele lalo Mosesa ngwendi: 34 “Leka Baisalele ngwobe, ‘Litangwa lya bu 15 omu mu ngonde ya bu 7 likapwa litangwa lya Cilika ca Mapapela cimukalingila Yehova ha matangwa 7. 35 Kunapande kukala ciwano ca kujela ha litangwa lya kulibanga, co kumwapandele kupanga bipangi bya kulema. 36 Ha matangwa 7 mukane bwana bwa kwenyeka mu tuhya kuli Yehova, co ha litangwa lya bu 8 mukalinge ciwano ca kujela na kwana bwana bwa kwenyeka mu tuhya kuli Yehova. Eci cinapu ciwano ca kulitila. Kumwapandele kupanga cipangi coshe-coshe ca kulema.

37 Ebi bikebyo biwano bya ha mwaka bya Yehova bimukatambeka ngweni binapu biwano bya kujela. Oku ku biwano mukane bwana bwa kwenyeka mu tuhya kuli Yehova. Mukane bwana bwa kwenyeka na bwana bwa binona bubana hamo na mulambu na bwana bwa byakunwa kwesekesa na cinoneko ca ha litangwa na litangwa. 38 Ebi bikebyo byuma bimunapande kubwezelela ku byuma bimwana ha bisabata bya Yehova, na kubwezelela ku bwana bweni, na ku bwana bwa cikumiiyo, na ku bwana bwa kulishakela, bije bimunapande kwana kuli Yehova. 39 Oloni ha litangwa lya bu 15 mu ngonde ya bu 7, mumukakungulula byuma bimunateje mu lifuti lyeni, munapande kukalinga cilika ca Yehova ha matangwa 7. Ha litangwa lya kulibanga munapande kukahwima, co lalo ha litangwa lya bu 8 munapande kukahwima. 40 Ha litangwa lyakulibanga mukambata bushuka bwa miti yakama na minango ya miti ya mashakabale na minango ya miti ya maputa amangi, na miti ya popula ya mu bingulunga, co mukalisamba halutwe lwa Yehova Njambi yeni ha matangwa 7. 41 Munapande kulinga cilika ca Yehova ha matangwa 7 mu mwaka. Munapande kulinga eci cilika mu ngonde ya bu 7. Eli linapu lishiko lya myaka na myaka mu bisemwa byeni byoshe. 42 Munapande kukala mu mapapela eni ha matangwa 7. Kaisalele woshe napande kukala mu mapapela, 43 mangana bisemwa byeni bije bija kulutwe bikazibuke ngwabyo njalingisile Baisalele bakale mu mapapela munjabatundisile mu lifuti lya Ijipiti. Yange Yehova Njambi yeni.’”

44 Ngeci Mosesa walekele Baisalele bya bilika bya Yehova bya ha mwaka.

Mabulu a Mbunda (1987-2026)
Tundaho
Kobela
  • Mbunda
  • Anako bakweni
  • Biushaka
  • Copyright © 2025 Watch Tower Bible and Tract Society of Pennsylvania
  • Mashiko a Mwakuipangesela
  • Mwakupangesela Mizimbu Yobe
  • Mwakunonekela Mizimbu Yobe
  • JW.ORG
  • Kobela
Anako Bakweni