Watchtower LAIBRALI YA HA INTANETI
Watchtower
LAIBRALI YA HA INTANETI
Mbunda
  • MBIMBILIYA
  • MABULU
  • BIWANO
  • 2 Samwele 5
  • Mbimbiliya ya Bisoneka bya Kaye Kakaha

Haunanyateka kuhesi vidio.

Cabihya, kuli bukalu bunonowesa ei vidio kushokoloka.

Biñanda Bili ku 2 Samwele

      • Devidi bamupwisa mwene wa Isalele yoshe (1-5)

      • Jelusalema baifungulula (6-16)

        • Siyone, Nganda ya Devidi (7)

      • Devidi ahyana Bafilistiya (17-25)

2 Samwele 5:1

Mafutunoti

  • *

    Lijwi na lijwi “tu citsiya cobe na situ yobe.”

2 Samwele 5:9

Mafutunoti

  • *

    Nambe “Milo.” Lijwi lya Cihebelu lije lilumbununa “kushulisa.”

Mikana ya Mabulu

  • Libulu Litukwasa Kutondesesa

    Mbimbiliya ya Kaye Kakaha,

2 Samwele 5:11

Mafutunoti

  • *

    Nambe “lipela.”

2 Samwele 5:20

Mafutunoti

  • *

    Kulumbununa “Muka-kutuba Bimbengwa.”

  • Mbimbiliya ya Bisoneka bya Kaye Kakaha
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
Mbimbiliya ya Bisoneka bya Kaye Kakaha
2 Samwele 5:1-25

Mukanda Wamucibali wa Samwele

5 Mu kwita kwa simbu, miyati yoshe ya Isalele yezile kuli Devidi ku Hebroni na kwendeka ngwayo: “Tala, tu babushoko bwobe.* 2 Mu bisimbu bya kunima, Saulu mwapwile mwene yetu, yobe wakele na kutwamenena Baisalele mu binzita byabo. Co Yehova wakulekele ngwendi: ‘Unyunga banu bange Baisalele, co upwa ntwama yabo.’” 3 Bakulunu boshe ba mu Isalele bezile kuli mwene ku Hebroni, co mwene Devidi walingile nabo cikumiiyo ku Hebroni halutwe lwa Yehova. Co babwabesele Devidi kupwa mwene wa Isalele.

4 Devidi wakele na myaka 30 mwapwile mwene, co wayulile ha myaka 40. 5 Wayulile Juda mu Hebroni ha myaka 7 na bingonde 6, kutundaho wayulile Isalele yoshe na Juda mu Jelusalema ha myaka 33. 6 Co mwene Devidi na banalume bakele nendi baile ku Jelusalema mangana bakalwise Bajebusi baje bakele muje mu lifuti. Bajebusi bashendumwine Devidi ngwabo: “Kuukaijamo muno, nameme tupuputwa na biyanga bakakusheka.” Basinganyekele ngwabo Devidi ñele kakakobelamo. 7 Nameme ngoco, Devidi wafungulwile cimpaka ca Siyone cije cinapwoni Nganda ya Devidi. 8 Ngeci lije litangwa Devidi wendekele ngwendi: “Baje balwisa Bajebusi banapande kukobelela mu kapila ka mema mangana bakatsiye biyanga na tupuputwa baje baanazindi Devidi.” Mukemwo bakendeka ngwabo: “Tupuputwa na biyanga ñele kubakobelamo muno.” 9 Kutundaho, Devidi watungile omu mu cimpaka, co bacisanene ngwabo Nganda ya Devidi. Co Devidi washangumukile kutunga bibumbe na mitungo ikwabo kumukulo wa Lilundu* na kutunga mitungo ikwabo mukati kei nganda. 10 Ngeci nzili yakele nayo Devidi yatwaleleleleho kulibwezelela, co Yehova Njambi wa maswalale wakele nendi.

11 Mwene Hilamu wa Tile watumine tutumwa kuli Devidi hamo na biti bya sida, na baka-kushonga, na baka-kubwahesa mamanya a kutungisa bibumbe, co bashangumukile kutungila Devidi njibo.* 12 Devidi wazibukile ngwendi Yehova wamuzamekele kupwa mwene wa Isalele na kujundula bumwene bwendi mwafwa ya banu bendi Baisalele.

13 Devidi wambatele banakazi babangi na banakazi bakwabo babangi mu Jelusalema munima ya kutunda mu Hebroni, co bamukitilile bana bakwabo ba banalume na ba banakazi. 14 Aba bakebo bana bendi basemukilile mu Jelusalema: Shamua, Shobabu, Nathani, Solomoni, 15 Iba, Elishua, Nefegi, Jafiya, 16 Elishama, Eliada, na Elifeleti.

17 Bafilistiya mubazibile ngwabo Devidi banamubwabesa kupwa mwene wa Isalele, boshe bezile na kumutonda mangana bamulwise. Devidi mwazibile ngoco, wasikumukile ku cimpaka. 18 Co Bafilistiya bezile na kulikwalaleka mu cingulunga ca Lefaimu. 19 Devidi wehwile Yehova ngwendi: “Kuma njasa kuya na kulwisa aba Bafilistiya ndi? Ubana mu liboko lyange ndi?” Yehova wakumbulwile Devidi ngwendi: “Ya, mwafwa njaka Bafilistiya mu liboko lyobe.” 20 Ngeci Devidi wezile ku Bale-pelazimu, co wabatsiilileko. Wendekele ngwendi: “Yehova nalibanga kwita hakati ka bitozi bange ngwe mema aje atuba mbengwa.” Mukemwo walukile uje mwela ngwendi Bale-pelazimu.* 21 Bafilistiya basezele tumponya babo kuje, co Devidi na banu bendi babambatele.

22 Mu kwita kwa simbu, Bafilistiya bezile lalo na kulikwalaleka mu cingulunga ca Lefaimu. 23 Devidi wehwile Yehova, oloni wamukumbulwile ngwendi: “Keti ubasungame. Libembe kunima yabo na kubalwisila halutwe lwa biputa bya bakka. 24 Co muuziba cilumo ca maswalale helu lya biputa bya bakka, lingako bimo, mwafwa ohoco Yehova natwama kulutwe lwobe kukalwisa maswalale ba Bafilistiya.” 25 Ngeci Devidi walingile bene mwamushikilile Yehova, co watsiile Bafilistiya kutunda ku Geba kuketa ku Geza.

Mabulu a Mbunda (1987-2026)
Tundaho
Kobela
  • Mbunda
  • Anako bakweni
  • Biushaka
  • Copyright © 2025 Watch Tower Bible and Tract Society of Pennsylvania
  • Mashiko a Mwakuipangesela
  • Mwakupangesela Mizimbu Yobe
  • Mwakunonekela Mizimbu Yobe
  • JW.ORG
  • Kobela
Anako Bakweni