• Mesho Eni Anakenge Kuli Yehova Ndi?
    Kaposhi (Kaposhi ka Kukengela ka Kulilongetha)—2018 | July

    • 9. Mosesa vamulekele kulinga vika, oloni ikeye walingile vati? (Kengeni chikupulo ha liputa 12)

      9 Mosesa walingile vati omwo Vaisalele vatengulukilile Njambi? Wakengele lalo kuli Yehova amuleke vya kulinga. Oloni ha thimbu eyi, Yehova kamulekele kupupa ku limanya. Njambi walekele Mosesa ngwendi ambate mulamu wendi na kukungulwila vanu ku limanya, cho endeke ku limanya. (Kula 20:6-8) Oloni Mosesa kendekele ku limanya. Mosesa waluvalele na kwendeka ku mbunga ngwendi: “Tolilileni, yeni vaka-kutengulukila Shukulu Kalunga. Kuma tunapande tumituhwithile mema mu limanya eli ndi?” Cho wapupile ku limanya kethi lumo lika, oloni luvali.—Kula 20:10, 11. 20:10, 11.

  • Mesho Eni Anakenge Kuli Yehova Ndi?
    Kaposhi (Kaposhi ka Kukengela ka Kulilongetha)—2018 | July

    • MOSESA WATENGULUKILILE VATI NJAMBI?

      12. Vyuma muka vikwavo vyalingithile Yehova aluvalele Mosesa na Alone?

      12 Kuli vyuma vikwavo lalo vyalingithile Yehova aluvalele Mosesa na Alone. Anukeni ngweni Mosesa wehwile mbunga ngwendi: “Kuma tunapande tumituhwithile mema mu limanya eli ndi?” Hamo lijwi lya “tu,” lyapangethele Mosesa lyakundamene kuli ikeye na Alone. Aje majwi a Mosesa amwethele ngwawo kathingimikile Yehova vavenya chije chikomoketho. Hamo vyuma vivanendeka ku Myatho 106:32, 33 vikevyo vyalingithile Mosesa endeke aje majwi. Ou mukanda ngwawo: “Vanu valuvalethele Shukulu Kalunga ku mathima a Meliva, cho Mosesa wakele mu vukalu omwo ya vilinga vyavo. Omwo valuvalethele mundthzindthzime wa Mosesa, cho wendekele majwi a lishamena.”(Kula 27:14) Nameme kututhzivuka vyoshe vyalingiwile, oloni vyuma vyalingile Mosesa vyashawithile Yehova. Yehova walekele Mosesa na Alone ngwendi: “Muvuvali vweni mwatengulukilile na kulwisa mashiko ange.”c (Kula 20:24) Mosesa walingile vuvi vwakama manene.

      13. Vika twendekela ngwetu Yehova wathompele Mosesa mu kuthungama?

      13 Mosesa na Alone vaje vakele na kutwamenena vanu va Yehova vakele na chipangi chakama manene. (Luka 12:48) Ha thimbu imo, Yehova wayongwele ngwendi VaIsalele voshe kethi vakakovele mu Lifuti lya Chikulahetho mwafwa vamutengulukilile. (Kula 14:26-30, 34) Ngechi, kwapandele kuli Yehova omwo wathompele Mosesa mu ngila eyi mwafwa wamutengulukilile. Kuvamutavethele kukovela mu Lifuti lya Chikulahetho ngwe muvalingilile kuli vakwavo vaka-kutengulukila.