• Longetheni Vuthunga
    Mukanda wa Viwano—2016 | August

    • YOYETHI YA VAKA-KILISITU

      Longetheni Vuthunga

      Kushangumuka mu September, Mukanda wa Viwano wa Vuyoye na Chipangi Chetu, ukalakala na ngila yaiha ya kwendekelamo ya mutwe wa, “Longetheni Vuthunga.” Twayongola kupangetha chihula na chithoneka omwo tumwetha vanu vuthunga vwa mu Mbimbiliya.

      Nga tunanguka ngwetu munu na vwahelela, cho twatha kumuleka vitwakuthimutwiya ha vungendthzi vwa kwilukila omwo tumuthethzela livulu nambe kumumwetha vindiyo ili ha jw.org. Tunapande kwilukila vwathi ku vanu vatunathimutwiyiye navo hanima ya matangwa a kutanda mangana tukatwaleleleho kuthimutwiya. Eyi ngila yaiha yakwendekelamo na viñanda vya vana va sikola vitundatunda ha mutwe wa kwitulukamo uje uli mu livulu lya Vika Viyitulongetha Mbimbiliya? Hali lalo vihula vikwavo na vithoneka vije vyatha kutukwatha kukala na mangendthzi a kwilukila nambe kutwamenena chilongetha kupangetha lika Mbimbiliya.

      Kuli ngila imo lika, ije iya ku kuyoya. (Mat 7:13, 14) Tukambulwila vanu va vithemwa na vulombelo vwa kulithethzathethza, ngechi tunapande kulongetha vuthunga vwa mu Mbimbiliya vuje vwatha kuvakwatha. (1Ti 2:4) Omwo tutanekeya viñanda vyavingi vya mu Mbimbiliya na kuvwethzelela ku vutongwe vwetu vwa “kulongetha lijwi lya vuthunga lya Njambi,” cho tupwa va kuvwahelela na kushaka kutwalelelaho kwambulwila vakwetu vuthunga.—2Ti 2:15.

  • Kampeni ya Kulitila ya Kwana Kaposhi ka Kukengela mu September
    Mukanda wa Viwano—2016 | August

    • YOYETHI YA VAKA-KILISITU

      Kampeni ya Kulitila ya Kwana Kaposhi ka Kukengela mu September

      Kaposhi ka Kukengela Na. 9 2016 | Iya Atha Kumithzembeleka?

      Mu kaye koshe, vanu vashaka kuvathzembeleka. (Kwa 4:1) Mu ngonde yoshe ya September, tukafwitangana kwana Kaposhi ka Kukengela, kaje kakendeka vya kuthzembeleka vanu. Aneni eyi mangazini ku vanu vavangi. Tushaka kwendeka na vanu mangana tuvathzembeleke, ngechi kethi tuthethze mangazini ha njuvo haje kuhethi vanu.

      VIMUNAPANDE KWENDEKA

      “Vithimbu vimo, tuvavoshe tukashaka kututhzembeleka. Oloni iya atha kututhzembeleka? [Tandeni 2 Kolinte 1:3, 4.] Aka Kaposhi ka Kukengela kamwetha mwakatuthzembelekelamo Njambi.”

      Nga munu namwetha kuvwahelela na kutambula mangazini, cho . . .

      MU MWETHENI VINDIYO YA VIKA VIUNAPANDE KULILONGETHELA MBIMBILIYA?

      Shangumukeni chilongetha cha Mbimbilya.

      MULEKENI VIMUKATHIMUTWIYA HA VUNGENDTHZI VWA KWILUKILA

      Mwihuleni chihula chimukakumbulula ha vungendthzi vwa kwilukila, cha kufwa ngwe chino, “Omwo ya vika Njambi nechelela tuyando?”