YOYETHI YA VAKA-KILISITU
Mwakupangethela Livulu Lya Vika Viyitulongetha Mbimbiliya?
Livulu lya Viyitulongetha lyalifwa neli lya Mbimbiliya Ilongetha Vika? Awa mavulu etu oshe akamwetha vuthunga vwa kulifwa, mungila imo lika. Oloni livulu lya Viyitulongetha valithoneka mungila ya yayathi. Valithonekela vanu vaje vakawana vukalu ha kuthzivithitha livulu lya Mbimbiliya Ilongetha Vika? Muwana ngweni mu livulu lya Viyitulongetha kumwethi viñanda vikwavo, oloni muli viñanda vya kushongo muje muvanalumbununa majwi na viñanda vimo vije vili mu tupetulu mu ngila yayathi. Tupetulu kutwethi na vihula ku maputukilo nambe chipalo cha kwitulukamo. Oloni ku mamanethelelo atwo, kuli viñanda vya kwitulukamo vije vyendeka ha vuthunga vwa mu Mbimbiliya vuvanathimutwiya mu kapetulu. Livulu lya Viyitulongetha linalifu neli lya Mbimbiliya Ilongetha Vika? mwafwa vanatha kulyana mu lihya thimbu yoshe yoshe nambe nga kuvalimwethele ha mavulu akwana mu lihya mu ngonde oyo. Twatha kupangetha vati livulu lya Viyitulongetha omwo tutwamenena chilongetha cha Mbimbiliya?
KWITULUKAMO: Ku vanu vavangi ngila itukapangetha ya kutanda mapalangilafu na kwihula vihula mu livulu lya Mbimbiliya Ilongetha Vika? yatha kupanga mwamuvwa. Oloni twendeke ngwetu hamo munu itulilongetha nendi katanekeya mwamuvwa kutanda nambe kwendeka muyati. Nga mukemwo, munatha kupangetha livulu lya Viyitulongetha. Cho munatha kulilongetha nendi mu viñanda vya kwituluka na kumuleka ngweni akatande viñanda vili mu kapetulu lika lyendi. Thimpi na thimpi mwatha kuilongetha munu mu minutu 15. Mulongethi napande kulivwahethela mwamuvwa na kwaka ndongethi yendi mu vithinganyeka, mwafwa mu viñanda vya kwitulukamo kumwethi viñanda vyoshe vya mu kapetulu. Nga mulongethi alongetha viñanda vya mu kapetulu, cho kumamanethelelo vetuluka mu kapetulu kupangetha viñanda vya kwitulukamo.
VIÑANDA VYA KUSHONGO: Majwi avanalumbununa mu viñanda vya kushongo vanawanangakana kwetheketha nomwo vanawapangethela mu tupetulu. Mulongethi ikeye natha kwangula indi vathimutwiya ha viñanda vya kushongo ha thimbu ya kulilongetha livulu lya Viyitulongetha