Watchtower LAIBRALI YA HA INTANETI
Watchtower
LAIBRALI YA HA INTANETI
Mbunda
  • MBIMBILIYA
  • MABULU
  • BIWANO
  • g19 Na. 1 pp. 6-7
  • Banu Banapande Kulilongesa Kukala na Futisi Yaibwa

Haunanyateka kuhesi vidio.

Cabihya, kuli bukalu bunonowesa ei vidio kushokoloka.

  • Banu Banapande Kulilongesa Kukala na Futisi Yaibwa
  • Toneni!—2019
  • Tumitwe twa Biñanda
  • Biñanda bya Kulifwa
  • KULILONGESA KUJE KULINGISA MUNU AKALE NA FUTISI YAIBWA
  • Chithzemo
    Toneni!—2018
  • Chithzemo Chifwa cha Theho
    Kaposhi Ka Kukengela Kali Na Vumwene Vwa Yehova (Kaposhi ka Kukengela ka Kulilongetha)—2017
  • Bisemi Kwaseni Bana Beni Bazeme Yehova
    Kaposhi Ka Kukengela Kali Na Bumwene Bwa Yehova (Kaposhi ka Kukengela ka Kulilongesa)—2022
Toneni!—2019
g19 Na. 1 pp. 6-7
Bisemi bali na kukwasa munabo kukusha malonga

Bisemi balongesa bana babo kukala na cizemo nga babakela mwanja waubwa

BITUNAPANDE KULINGA MANGANA TUMANESE BUKALU

Banu Banapande Kulilongesa Kukala na Futisi Yaibwa

Omwo bana ba sikola bakele mu bungenzi, bakwenje bamo mukati kabo, balingile mulonga wa kulilala na mukwenje mukwabo. Aba bana ba sikola bakobelele ha sikola imo ya kutsimana manene mu Canada. Ebi byuma mubyalingiwile, Leonard Stern wasonekele mu lipapelelo lya mizimbu lya Ottawa Citizen ngwendi: “Kulilongesa manene, kukala na cashu ca kusinganyeka, nambe kukala na bufuko bwabwingi kukwonowesa banike kulinga byuma byabibi.”

Stern wendekele lalo ngwendi: “Cuma ca seo cibanapande kulinga bisemi cinapu kulongesa bana babo mwakukela na futisi yaibwa. Oloni bisemi babangi bakashongangeya bana babo balilongese manene mangana bawane bipangi bije bibanenela bimongo byabingi.”

Nameme kuya ku sikola kwapwa kwakubwa, oloni kukulingisa munu ahyane mashungu nambe biyongola byabibi. Kuli kutwasa kuwana bilongesa bije byasa kutukwasa tukale na futisi yaibwa?

KULILONGESA KUJE KULINGISA MUNU AKALE NA FUTISI YAIBWA

Mbimbiliya yapwa ngwe kalikengelo. Mututandamo, tumona hayalenga nzili yetu na buzeye bwetu. (Yakomba 1:23-25) Kutanda Mbimbiliya kutukwasa mu bingila byabingi. Kukatukwasa tutenguluke na kukala na bifwa bije bitukwasa kuyoya mu kwoloka. Ebi bifwa binapu bubwa, ngozi, kukala na mbunge ya kubandamena, kukwata mbunge na cizemo. Cizemo banacitumbula kupwa cifwa cije “cikakutila byuma byoshe hamo lika mu bumo bwa bubwa” nambe ngwetu cikakwatasanesa banu. (Kolose 3:14) Mwafwa bika cizemo capwa cifwa ca kulitila? Tucimoneni biyendeka Mbimbiliya hali eci cifwa.

  • “Cizemo cili na lukakateya, na kutetela, cizemo kucesi na lifuwa nambe kulyalesa, cizemo kucesi kulilwisa, cizemo kucesi kulitondela byaco cikeco babenya, nambe kucesi kulubala, cizemo kucesi kukala na likitikiti ha byuma byabibi, cizemo kucesi kujolela bubi oloni cijolela busunga. Cizemo kucesi kwonwa, . . . . Cizemo capwa ca myaka yoshe.”—1 Kolinte 13:4-8.

  • “Nga uzema mukweni, co kuukasa kumulinga mwamubi embwe.”—Loma 13:10.

  • “Hakamwa ya byoshe ebi, lizemeni umo na mukwabo na nzili, omwo cizemo cikafwiki bibi byabingi.”—1 Petulu 4:8.

Mukalizibi bati mumukakala na banu baje bamizema? Mukalizibi kushubuluka na kukala mu kwoloka ndi? Eyo, mwafwa muzibuka ngweni bashaka mukale mwamubwa, ngeci kubasa kulinga byuma bije bimibulumuna nambe kumizibisa kubabala ku mbunge.

Cizemo casa kulingisa banu balyane kulingako byuma bimo bya kufwa ngwe kutengulula futisi yabo mangana bayoye mu kwoloka na bakwabo. Cakumwenako, munalume umo washakele kusikama sikama na mutekulyendi, oloni kwakele bukalu. Owo munalume wakele na kusipa manene, ngeci ishemweno kashakele ngwendi asipe oku ali na mwanike. Owo munalume walingile bati? Nameme wakele na kusipa ha myaka 50, oloni walikelele kusipa mwafwa wazemene manene mutekulyendi. Cizemo cilina nzili.

Mbimbiliya yasa kutukwasa kukala na bifwa byabibwa byakufwa ngwe bubwa, ngozi, maneneni cizemo

Twasa kulilongesa kukala na cizemo. Bisemi bali na cipangi cakama manene ca kulongesa bana babo mwakukela na cizemo. Bakalele, kunyungilila na kukwasa bana babo nga bali na kubinja na kubazembeleka nga banalubala. Bisemi bababwa bakasimutwiya na bana babo na kubalongesa. Bakanyanyamesa lalo bana babo kwitila mu kubalongesa mwakukela na futisi yaibwa. Co lalo bisemi bababwa bakakela bana babo mwanja waubwa.

Calubinda, bisemi bamo bakonowa cipangi cabo ca kulongesa bana babo. Kuma oku kulumbununa ngwabo bana babo kubasa kukala na futisi yaibwa ndi? Embwe. Nameme bakulunu baje banakolela mu binaanga muje mwalisala banu ba futisi yaibi, bakatengulula futisi yabo na kupwa banu bababwa. Ngwe mutumwena mu cilongesa cinatako aba bakulunu banambateselela na baje basholokele ngwe kubasa kutengulula futisi yabo.

SIMPI YAKAMA

MBIMBILIYA YASA KUTULONGESA BYUMA BIJE KUTWASA KUWANA KU SIKOLA YOSHE YOSHE BYA KUFWA NGWE KUPWA BA KULONGWA NA KUKALA NA FUTISI YAIBWA

KESI BANU BOSHE BASA KUTENGULULA FUTISI YABO

Mbimbiliya imwesa ngwayo banu bamo babyana kutengulula futisi yabo. Mukanda wa Ndanyele 12:10 ngwawo, baka-bubi “hanga bakalinga bene bubi.” Kuma eci cimwesa ngwabo kutwasa kuyoya mu kwoloka myaka yoshe ndi? Ngwe banu bakebo batunakulahela ngwetu bakanena kwoloka mu kaye, ngwe kutwasa kukala na lilabelelo lya kukayoya mu kwoloka. Ngwe mutumwena, banu kubesi na nzili ya kunena kwoloka mu kaye. Nameme ngoco, tubaboshe twasa kukulahela ngwetu tukayoya mu kwoloka.

    Mabulu a Mbunda (1987-2026)
    Tundaho
    Kobela
    • Mbunda
    • Anako bakweni
    • Biushaka
    • Copyright © 2025 Watch Tower Bible and Tract Society of Pennsylvania
    • Mashiko a Mwakuipangesela
    • Mwakupangesela Mizimbu Yobe
    • Mwakunonekela Mizimbu Yobe
    • JW.ORG
    • Kobela
    Anako Bakweni