Kulikwatasana na Bulombelo bwa Kuliseza-seza mu Kulemesa
Kuma banu boshe bali mu bulombelo bali na kulemesa Njambi umolika ndi?
Det 32:16, 17; 1Bi 11:33; 1Kr 8:5, 6; 10:20
Kuma bulombelo buje buli na kulongesa byuma bya kuliseza-seza bwoshe buli na kuzibisa Yehova kubwaha ndi?
Mat 7:13, 14; Iwa 17:3; Efe 4:4-6
Myanja ya mu Mbimbiliya ije yasa kumikwasa:
Jos 24:15—Joshua wamwesele ngwendi munu asa kulyangwila kupangela Yehova nambe kupangela binjambi ba makuli
1Bi 18:19-40—Yehova wapangesele kapolofweto Eliya mu kumwesa ngwendi bangamba ba Njambi wa busunga kubapandele kulikobelesa mu kulemesa binjambi ba makuli ba kufwa ngwe Bale
Binjambi ba makuli babakalemesa banu bamo hamolika na byuma byoshe bibakalingi mu kubalemesa bikazibisa bati Yehova?
Ekz 12:12; Num 25:2-5; Det 12:29-31; Zef 2:11
Yehova akalizibi bati nga banu bendeka ngwabo bali na kumulemesa oku bali na kulinga byuma byabibi?
Isa 1:13-15; 1Kr 10:20-22; 2Kr 6:14, 15, 17
Myanja ya mu Mbimbiliya ije yasa kumikwasa:
Ekz 32:1-10—Bakwabo balsalele mubamukokweyeye, Aloni walingile muna ngombe uje ibapangesele mu kulinga cilika cibendekele ngwabo ‘cilika ca kusingimika Yehova,’ co balubalesele manene Yehova
1Bi 12:26-30—Mu kushaka ngwendi banu keti baye ku tempele ije yakele mu Jelusalema, Mwene Jeloboamu wapangesele tumponya na kwendeka ngwendi twimanena Yehova, co wongumwine banu mu kulinga bubi
Yehova walekele bika baIsalele kutalesa ku kulikwatasana na banu baje balemesele binjambi ba makuli?
Ekz 23:31-33; Det 7:1-4
Yehova walingile bika banu bendi mubalingile bibakele na kulinga baje bakele na kulemesa binjambi ba makuli?
Mko 10:6, 7; Sm 106:35-40; Jel 44:2, 3
Myanja ya mu Mbimbiliya ije yasa kumikwasa:
1Bi 11:1-9—Banakazi ba Mwene Solomoni ba ku mafuti eka bamungumwine, co washangumukile kulemesa binjambi ba makuli hamolika na baIsalele bakwabo baje bongumukile hamo nendi na kulubalesa Yehova
Sm 78:40, 41, 55-62—Asafe wamwesele omwo kutengulukila kwa baIsalele na kulemesa tumponya kwabo kwalubaleselele Yehova na kumulingisa ababyane
Kuma Yesu wakundwiiye bilongesa bije kubyalitombwele na Lijwi lya Njambi ndi?
Myanja ya mu Mbimbiliya ije yasa kumikwasa:
Mat 16:6, 12—Yesu wesekesele bilongesa bya Bafalisi na Basaduki ku musima mwafwa bilongesa bya kuhenga byasa kujalakana mu simbu yaindondo lika na kutanganesa busunga buli mu Lijwi lya Njambi
Mat 23:5-7, 23-33—Yesu wendekele na nzili ha futisi yaibi ya kulikwisa ibakele nayo baka-kusoneka na Bafalisi hamolika na bilongesa byabo bya kuhenga
Mak 7:5-9—Yesu wapayele baka-kusoneka na Bafalisi mwafwa batwamekele cisemwa ca banu kutubakana kutwameka bilongesa bya mu Lijwi lya Njambi
Kuma Yesu washongangeyeye baka-kumukabangeya kulinga bibunga bya bulombelo bya kuliseza-seza ndi?
Myanja ya mu Mbimbiliya ije yasa kumikwasa:
Iwa 15:4, 5—Yesu wapangesele cakumwenako ca muti wa binyu mu kushaka kumwesa likwatasano linapande kukala mukati kendi na baka-kumukabangeya hamolika na mukati kabo
Iwa 17:1, 6, 11, 20-23—Butsiki bwamamaneselelo bwakele na tupositolo bendi simbu kanda bamutsiye, Yesu walombele Njambi akwase baka-kumukabangeya mu busunga batwaleleleho kulikwatasana
Kuma baka-Kristu bakulibanga baje bakele mu bikungulukilo bya kuliseza-seza bakulahelele byuma bya kulifwa na kulemesa Yehova mu ngila ya kulifwa ndi?
Myanja ya mu Mbimbiliya ije yasa kumikwasa:
Bil 11:20-23, 25, 26—Baje bakele mu cikungulukilo cakele mu Antioke na mu Jelusalema bapangelele hamo, co balikwatasanene
Lom 15:25, 26; 2Kr 8:1-7—Mukwasholokele bukalu, baka-Kristu bakulibanga baje bakele mu bikungulukilo bya kuliseza-seza balikwasele, co bamwesele cizemo na likwatasano
Kuma Njambi asa kumona bulombelo kupwa bwa busunga nga banu balimo bendeka lika ngwabo banakulahela muli Kristu ndi?
Kuma Njambi asa kutambula kulemesa kwa banu nameme kubakabangeya bilongesa bya Kristu na tupositolo ndi?
Myanja ya mu Mbimbiliya ije yasa kumikwasa:
Mat 13:24-30, 36-43—Yesu wapangesele cakumwenako ca shaku mu kumwesa ngwendi kukasholoka baka-Kristu ba makuli baje bakajwalesa cikungulukilo ngwe shaku muikamenena mu lihya
1Iw 2:18, 19—Kapositolo Iwano uje wakulubalele wendekele ngwendi baka-kulwisa Kristu basholokele munima ya myaka ya kukokela ku 70 kutunda hatsililile Yesu