Mwakwanukila Bisoneka

Kuma simbu imo kukamikaluwila kwanuka vesi imo ya mu Mimbiliya ndi? Munasa kwibala vesi ije ikamizembeleka manene nambe ije ikamikwasa kuhyana biyongola byabibi nambe hamo vesi ije imutonda kulekako mukweni. (Samu 119:11, 111) Tusimutwiyeni ha byuma binatako bije byasa kumikwasa mwanuke Bisoneka.

• Pangeseni mutamba wa tagi uli ha JW Laibrali app. Nga muli na kutanda Mbimbiliya ha JW.Laibrali, co muwana cisoneka cimushaka kwanuka, mwasa kucisoneka ha tagi mangana kumipwile kwakwasi kuciwana simbu yeka.

• Sonekeni cisoneka cimushaka kwanuka ha lipapelo na kucaka ha mwasa kucimona bwasi. Bamo bakaka bisoneka bibashaka kwanuka ha ciponi nambe ha cikolo ca furinji. Bamoco bakakupula cisoneka na kucaka ha foni nambe ha kompyuta yabo.

• Pangeseni makadi. Sonekeni cisoneka ha mutamba umo wa kadi, co ku mutamba ukwabo sonekeni majwi oco cisoneka. Taleni ha mutamba umo wa kadi, nga hali cisoneka, co esekeni kwanuka majwi oco cisoneka aje ali ku mutamba ukwabo wa kadi. Oloni nga hali majwi a cisoneka, co esekeni kwanuka cisoneka cije cili ku mutamba ukwabo.