TIJATY YAJPATP MÄ BIIBLYË TSOBATP MËJWIIN KAJAA | PROVERBIOS 12-16
Wijyˈäjtën niˈigyë yˈoyëty ets kyaj dyuˈunëtyë oorë
Mëdë notë
¿Tiko tsyobääty ja wijyˈäjtën diˈib tsoˈomp mä Dios? Yëˈko kyuwaampy pënaty tuˈudëgoyandëp ets yajjukyˈajtypy. Pyudëjkëp parë oy jyaˈayˈatët, kyäjpx myaytyäˈägët ets oy tijaty ttunët.
Wijyˈäjtën xykyuwäˈänëm parë kyaj mëj këjxm nnayjyäˈäwëm
16:18, 19
Ja jäˈäy diˈib wijy yˈëxkajpy ko tukëˈëyë wijyˈäjtën jam tsyoony mä Jyobaa.
Pënaty tyukˈoybyëtsëëmdëp tijaty mä jyukyˈäjtën o pënaty yajtuunkmooytyëp mä Diosë kyäjpn, tsojkëp mëk nyaygyuentˈatëdët parë kyaj jyëmbitët mëj këjxm.
Wijyˈäjtën xypyudëjkëm parë oy ngäjpx nmaytyakëm
16:21-24
Ja jäˈäy diˈib wijy këkpäät tijaty tˈixy, yëˈë yˈëxtaabyë oybyë jäˈäyˈäjtën mä myëguˈuk ets oy tnimaytyaˈaky.
Ja jäˈäy diˈib wijy kyaj mëk yˈëy kyajpxy ets kyaj yˈawäˈänëty; tsuj yajxonë yˈääw yˈayuk extëmë seerë päˈäk ets yajmëbëjkp.