8-14 ÄÄMBË ABRIL
SALMOS 26-28
Ëy 34 etsë nuˈkxtakën | Ääw ayuk mëdiˈibë mëët tsyondaˈaky (1 min.)
1. ¿Ti pudëjkë David parë ttuuny mëdiˈibë Jyobaa yˈoyˈijxypy?
(10 min.)
David yˈanmääyë Jyobaa parë yajwäˈätsëdët ja yˈääw jyot (Sal. 26:1, 2; w13 1/3 paj. 14 parr. 10, 11, w20.02 paj. 15 parr. 9).
David kyaj mëët tyuˈukmujkyë jäˈäy mëdiˈibë mbäät yajmäˈädëdë (Sal. 26:4, 5; w18.10 paj. 9 parr. 15).
David jyantsy myëdunanë Dios (Sal.26:8; w16.04 paj. 16-20 parr. 6, 13, 18).
Oyë David yˈoktëgooy myëduunë Dios ‘winë ääw winë jot’ (1 Rey. 9:4, TY). Tsyojk amumduˈukjot ets myëduun, duˈun dyajnigëxëˈky ko ninäˈä nety tkamastuˈudäˈäny.
2. Nˈokˈëxtäˈäyëmë oorë platë mëdiˈibë ijtp yuˈutsy
(10 min.)
Sal. 27:10. Extëm jyënaˈanyë yäˈädë tekstë, ¿wiˈix xyjyotkujkmoˈoyëm oyë jëëky mëguˈuk xymyastutëm? (w22.06 paj. 17 parr. 13).
Mä të xykyajpxyë Biiblyë yäˈädë sëmään, ¿tijaty të xypyaaty mëdiˈibë myajtsobatypy extëmë oorë platë?
3. Yajkajpxyë Biiblyë
(4 min.) Sal. 27:1-14 (th ëxpëjkën 2).
4. Wiˈixë jäˈäy nmëtmaytyaktsoˈonëm
(2 min.) MÄ JYËËN TYËJK. Mmoˈoy tuˈugë trataadë mëdiˈibë miimp mä tuumbajn parë jäˈäy nyaˈëxpëjkëm (th ëxpëjkën 3).
5. Wiˈixë jäˈäy nijëmbijtëm
(4 min.) MÄ JYËËN TYËJK. Nimaytyäˈäk mëdë jäˈäy ja yajtëˈëwën mëdiˈibë miimp mä ja trataadë jyëjpkëjxnë mëdiˈibë mmooy. Tëkë mä jw.org ets tukˈix tijaty jap mbäät tpääty (lmd leksion 9 numero 3).
6. Diskursë
(5 min.) lmd mëdiˈibë mëët kyaˈpxy 1 numero 3. Ja txëwˈaty: ¿Mnijäˈäwëp ko oyëyäämp jatëgokë it Naxwinyëdë mëdiˈibë tyam të wyindëgoy? (th ëxpëjkën 13).
Ëy 128
7. Ënäˈktëjkëty mëdiˈibë nayaˈijtëdëp wäˈäts Dios windum
(15 min.) Nimaytyäˈäk ets yajtëw.
Ënäˈktëjkëty mëdiˈibë Diosmëduundëp tyuundëbë mëjääw parë wäˈäts nyayaˈitëdë Dios windum, oy pokyjyaˈay yajpäättë ets oy mëk ja tsojkën tyukminëdë mä mbäät alokë tijaty ttundë (Rom. 7:21; 1 Kor. 7:36). Pyattëp nanduˈunë jotmay ko mëktaˈaky yaˈˈanëëmëdë parë yˈit tsyëënëdët mët tuˈugë yetyëjk o toxytyëjk o tsyëënëdët ak yetyëjk o ak toxytyëjk (Éfes. 2:2). Agujk jotkujk xyajnayjyäˈäwëm ko ënäˈktëjk wäˈäts nyayaˈitëdë Dios windum.
Pëjktäˈägë BIDEO Ko mˈënäˈkˈaty: ¿Wiˈixëts mbäät nnaygyuentëˈatyëty parëts kyaj pën nmëttsëënët? Ta net xyajtëwët:
¿Wiˈixë Cory mëdë Kamryn mëktaˈaky ja myëguˈuktëjk yˈanmääyëdë parë pën mëët yˈit tsyëënëdët?
¿Ti pudëjkëdë parë kyaj tmëdëgooytyë Dios?
¿Ti tekstë mbäät mbudëkëty ko duˈumbë jotmay xypyäädët?
8. Yaˈëxpëkyë Biiblyë mä nduˈukmujkëm
(30 min.) bt kap. 8 parr. 5-12.