Jyobaa tyestiigëty, ¿yëˈë tuˈugë relijyonk diˈib yajtijp protestantë?

Kyaj. Jyobaa tyestiigëty yëˈë pyanëjkxtëbë Kristë, kyaj nyaytyijëdë protestantë. ¿Tiko kyaj?

Mayë jäˈäy jyënäˈändë ko protestantë yëˈë diˈib kyaj tkupëktë tijaty tukniˈˈijxëbë Iglesia Católica Romana. Perë Jyobaa tyestiigëty, oy tkakupëktë tijatyë jäˈäy tukniˈˈijxëdëp tsäjptëgoty, kyaj pryotestantëty. Min nˈokˈijxëm majtsk pëky tiko dyuˈunëty:

1. Kanäk pëky tijaty tukniˈˈijxëbë protestantëty kyaj tyuˈugyë mëdë Biiblyë. Extëm nˈokpëjtakëm, Biiblyë jyënaˈany ko “tiˈigyë jeˈeyë Dios”, kyaj tyëgëëgëty extëmë Trinidad (1 Timotee 2:5; Fwank 14:28). Biiblyë nan kyaj tyukniˈˈixë ko Dios ttëytyunyë axëkjäˈäy mä infiernë winë xëë winë tiempë, kutëgoobyë duˈun winë xëë (Salmo 37:9; 2 Tesalónikʉ 1:9).

2. Kyajts nwijtsˈoyëyäˈändë Iglesia Católica ets ni wiink relijyonk. Yëˈëjëts ngäjpxwäˈkxandëbë oybyë ayuk diˈib mä Diosë yˈAnaˈam Kyutujkën etsëts nbudëkëyäˈändë jäˈäy parë tmëbëktët (Matewʉ 24:14; 28:19, 20). Kyajts nwijtstëgatsäˈändë nituˈugë relijyonk, yëˈëjëts ndukniˈˈixëyandëp pënaty myëdowandëp ja tëyˈäjtën diˈib miimp mä Biiblyë ets pënën Dios (Kolosʉ 1:9, 10; 2 Timotee 2:24, 25).