Mmëwingoonˈadëˈëts niˈigyë Jyobaa

Nuˈun të xyˈëxpëkyë yäˈädë liibrë, të xyˈixyˈaty niˈigyë Jyobaa. Pääty tyam mas niˈigyë xytsyoky ets waˈan të xytyukwandaˈaky ko xymyëdunäˈäny ets të mnëbety. Pën kyajnëm mnëbety, waˈan ja mwinmäˈäny të xypyëjktaˈaky ko tim tsojk mnëbatäˈäny. Per ko mnëbajtäˈäyët duˈunyëm mbäät xymyëwingoonˈadëˈëtsyë Jyobaa ets duˈun xytyunët xëmëkyëjxm. Min nˈokˈijxëm wiˈix mbäät duˈun xytyuny.

1. ¿Tiko mbäät duˈunyëm xymyëwingoonˈadëˈëtsyë Jyobaa?

Tsojkëp nduˈunëmë mëjääw ets niˈigyë nnaymyaaybyëjkëm mëdë Jyobaa parë “këdiibë ndëgoˈoyëm” ets nmëjagamgakëm (Ebreeʉsʉty 2:1). ¿Ti xypyudëkëyäˈänëm parë kyaj Jyobaa nmastutëm? Ko xëmë nˈëwäˈkx ngäjpxwäˈkxëm ets nˈëxtäˈäyëmë winmäˈäny wiˈix mbäät niˈigyë nmëduˈunëm (käjpxë Filipʉs 3:16). ¡Nitii duˈun kyaˈoyëty extëm ko nmëduˈunëmë Jyobaa! (Salmo 84:10).

2. ¿Ti tsojkëp xytyuunˈadëˈëtsët?

Të xyˈëxpëjktääynyë yäˈädë liibrë, per jeˈeyënëm xyajtsondaˈaky ja mjukyˈäjtën extëm tuˈugë Diosmëduumbë. Biiblyë duˈun ttukˈaneˈemy niˈamukë Diosmëduumbë: “Paduˈudëkëdë ja jembyë jikyˈäjtën” (Éfesʉ 4:23, 24). Ko duˈunyëm xyˈëxpëkët ja Diosë yˈAyuk ets kyaj mdëgoyˈatët reunyonk, ta niˈigyë xyˈixyˈatäˈänyë Jyobaa. Winmay wiˈix mbäät xynyiˈˈijxtuˈutyë jyaˈayˈäjtën ets niˈigyë mnayaˈoyëdët parë agujk jotkujk nyayjyawëdët.

3. ¿Wiˈixë Jyobaa mbudëkëyaˈanyëty parë niˈigyë xymyëwingonët?

Biiblyë jyënaˈany: “Dios [...] yëˈë yajjëjpkëxaampy mëdiˈibë të mdukniˈˈixëdë. Yëˈë mëk myaˈitanëdëp, yëˈë myajkumëjääwdäˈäganëdëp ets yëˈë myajwäˈktäˈätsanëdëp” (1 Pedro 5:10, TNM). Niˈamukë xytyukmiˈinëmë axëkˈäjtën mëdiˈibë xyajtëgoyäˈänëm, perë Jyobaa xymyoˈoyëm ja naybyudëkë parë njëjpkudijëm (Salmo 139:23, 24). Xytyukwandakëm nanduˈun ko xymyoˈoyäˈänëm ja jot mëjääw ets ja tsojkën parë xëmë nmëduˈunëm (käjpxë Filipʉs 2:13).

AK NIJAWË NIˈIGYË

4. Mmëtmaytyäˈäk xëmë Jyobaa

Parë tyam mëdë Jyobaa mnaymyayëty, yëˈë të mbudëkëty ko xymyënuˈkxtaˈaky ets ko xykyajpxyë Biiblyë. ¿Wiˈix mbäät mas niˈigyë xymyëwingony ko duˈun xytyuunˈadëˈëtsët?

Käjpxtë Salmo 62:8 ets nimaytyäˈäktë mëdiˈibë yä yajtëëpy:

• Parë niˈigyë mnaymyaaybyëkëdët mëdë Jyobaa, ¿wiˈix mbäät xytyukmëtmaytyaˈaky tijaty mjäˈäwëp?

Käjpxtë Salmo 1:2 ets nimaytyäˈäktë mëdiˈibë yä yajtëëpy:

• Parë niˈigyë mnaymyaaybyëkëdët mëdë Jyobaa, ¿wiˈix mbäät xykyajpxyë Biiblyë?

Ko mˈëxpëkët naytyuˈuk, ¿ti mbäät xytyuny parë niˈigyë mbudëkëdët? Parë xynyijawët, ixtë BIDEO. Ta net xynyimaytyäˈäktët mëdiˈibë yä yajtëëpy:

BIDEO: Ëxpëk mas oy (5:22)

• Extëm të xyˈixyë nmëguˈukˈäjtëm yˈëxpëktë, ¿wiˈix nanduˈun mˈëxpëkäˈäny?

• ¿Tijaty mijts mjapayeˈeyaampy ko mˈëxpëkët?

5. Pëjktäˈägë mwinmäˈäny ets niˈigyë Jyobaa xymyëdunët

Ko niˈigyë Jyobaa xymyëdunët, yëˈë mbudëkëyanëp parë niˈigyë xymyëwingonët. Ixtë BIDEO ets nimaytyäˈäktë mëdiˈibë yä yajtëëpy:

BIDEO: Kyaj jyaˈˈatyë jukyˈäjtënë mas oybyë (3:31)

• ¿Wiˈixë Cameron pyudëjkë ko tpëjktakyë wyinmäˈäny ets niˈigyë Jyobaa tmëdunäˈäny?

Kyaj mbäät niˈamukë nëjkxëm Diosmëduumbë wiink paˈis, per mbäät niˈamukë nbëjktakëmë winmäˈäny ets niˈigyë nmëduˈunëm. Käjpxtë Proverbios 21:5 ets nimaytyäˈäktë tijaty mduknibëjktakëp xytyunäˈäny...

• ... mä mduˈukmuky.

• ... mä mˈëwaˈkxy mgäjpxwaˈkxy.

¿Wiˈix mbäät mbudëkëtyë yäˈädë tekstë parë xytyunët tijaty mduknibëjktakëp?

Tijaty mbäät xytyuknibëjktäägë

• Xyaˈˈawäˈätsët niˈigyë mˈääw mjot ko mnuˈkxtäˈägët.

• Xykyäjpxtäˈäyëdë Biiblyë.

• Xyˈixyˈäjtäˈäyëdë nmëguˈukˈäjtëm mëdiˈibë mëët mduˈukmuky.

• Xyaˈëxpëjktsondäˈägët tuˈugë jäˈäy.

• Mdunët prekursoor ausilyaar o regulaar.

• Etsë yetyëjk jäˈäy mbäät tpëjktäˈägëdë wyinmäˈäny parë tyundët ministerial.

TI TË NJÄJTËM

Mmëwingoonˈadëˈëts niˈigyë Jyobaa ets pëjktäˈägë mwinmäˈäny parë niˈigyë xymyëdunët. ¡Duˈun mjukyˈatët agujk jotkujk xëmëkyëjxm!

Ajamyatsë

• ¿Tiko mbäät mˈity seguurë ko Jyobaa mbudëkëyanëp parë xëmë xymyëdunët?

• ¿Ti mbäät xytyuny parë niˈigyë mnaymyaaybyëkëdët mëdë Jyobaa?

• Ko xypyëjktäˈägëdë mwinmäˈäny parë niˈigyë Jyobaa xymyëdunët, ¿wiˈix mbudëkëyaˈanyëty ets xymyëwingoonˈadëˈëtsët?

AK PAYEˈEY

¿Ti niˈigyë Jyobaa yajtsobatypy: ko jeˈeyë tëgok nmëmëdoˈowëm o ko nmëmëdoˈowëm nuˈun ja xëëw jukyˈäjtën?

Nˈokmëmëdoˈowëm xëmë Jyobaa extëmë Abrahán 9:20

Mbäät tuˈugë Dios mëduumbë kyaj tnekytyukxondaˈaky ja Diosë tyuunk. Nijawë ti mbäät nduˈunëm parë jatëgok jotkujk nnayjyäˈäwëm.

Wiˈixëts jatëgok ndukxondaky parëts nmëdunëdë Jyobaa 5:25

¿Ti tsojkëp nduˈunëm parë winmäˈäny nbëjktakëm ets niˈigyë nmëduˈunëmë Dios?

“Nˈokpëjktakëmë winmäˈäny ets niˈigyë nmëduˈunëmë Jyobaa parë nyajmëjpëtsëˈëmëm” (Diˈib Xytyukˈawäˈänëm, 15 äämbë julië 2004)

¿Tiko jyëjpˈamëty ets niˈigyë nnaymyaaybyëjkëm mëdë Dios, ets wiˈix mbäät nduˈunëm?

“Nˈokˈyajkëktëjkëmë naymyayë mëdë Jyobaa mët ko ja myëj xëëw wingon yˈity” (Diˈib Xytyukˈawäˈänëm, 15 äämbë mayë 2009)