“Awats ja naxwinyëdë es tˈuktääy ja mëjnëë”

Nuˈun kujkë tiempë nyaxy, të kanäkˈokë anaˈambëtëjk tpudëkëdë Diosë kyäjpn (Esd. 6:1-12; Est. 8:10-13). Axtë mä tyäˈädë tiempë, nˈijxëm wiˈix “ja naxwinyëdë”, diˈib yˈandijpy ja anaˈambëtëjk mä kanäägë it lugäär, të “tˈuktäˈäy ja mëjnëë”, jaˈa njënäˈänëm ko xynyibëdëˈkëmë Satanás (Diˈibʉ Jat. 12:16). Jyobaa Dios “diˈib xyyajnitsokëm”, të kanäkˈok dyajtunyë gobiernë parë tpudëkë kyäjpn (Sal. 68:20; Prov. 21:1).

Ets ¿pën jap mˈity pujxndëgoty mët ko mDiosmëduny? It seguurë ko Jyobaa xëmë mguentˈatyëty (Gén. 39:21-23; Sal. 105:17-20). Mbäät mˈity seguurë ko mgunuˈkxanëp ets ko nan mbudëjkëbë mëguˈuktëjk abëtsemy nyaxwinyëdë ko Dios xymyëmëdoy (Filip. 1:12-14; Diˈibʉ Jat. 2:10).

KO NETY TË YAˈIJXTÄˈÄYË BIDEO NMËGUˈUKˈÄJTËM DIˈIB COREA PYËTSËMDË PUJXNDËGOTY, TA YAˈˈATSOOWËMBITËDË TYÄˈÄDË YAJTËˈËWËN:

• Nuˈun kujkë tiempë pyety kyuˈty, ¿tiko jap Corea del Sur milˈamë nmëguˈukˈäjtëm të yˈittë pujxndëgoty?

• ¿Tiko ja yajkutujkpëty dyajwingëdaktë parë nääk ja nmëguˈukˈäjtëm tsojk pyëtsëmdët pujxndëgoty?

• ¿Wiˈix mbäät nbudëjkëmë nmëguˈukˈäjtëm diˈib ijttëp pujxndëgoty abëtsemy nyaxwinyëdë?

• ¿Tixyëp mbäät nduˈunëm ko tyam nyajpatëm awäˈätstum?

• ¿Pën mbäät yajmëjkugäjpxë ko Diosë kyäjpn myadaˈaky mä yajkutujkpëty?