¿Ti mbäädë kasäädë jäˈäy ttundë parë yˈitët mëk ja tsyënäˈäy jyukyˈäjtën?

Abrahán mëdë Sara naywyingutsëˈkëdë ets naytsyojkëdë (Gén. 12:11-13; 1 Peed. 3:6). Kyaj nety wyäˈätsjäˈäyˈattë ets pyattë amay jotmay. ¿Wiˈixë Abrahán mëdë Sara yˈijxpajtënë mbäät pyudëkëdë kasäädë jäˈäy?

Jëjpˈam ets mnaymyëtkäjpx mnaymyëtmaytyäˈägëdët. Pën ja mjamyëët të jyotˈambëky o wiink nyayjyawëty ets yajpëtsëëmbyë ääw ayuk diˈib axëëk, oy ko yuunk naxypy xyˈatsoowëmbitët (Gén. 16:5, 6). Juuttë tiempë parë nimajtsk myajpäättët. Yajnigëxëˈëktë mëdë mˈääw mˈayuk etsë mduˈunën ko mnaytsojkëdëp. Ets diˈib mas jëjpˈam, yëˈë ko Jyobaa xykyuentëpëjtäˈäktët: nimajtsk mˈëxpëktët, mnuˈkxtäˈäktët ets xymyëdundëdë Jyobaa (Ecl. 4:12). Ko kasäädë jäˈäy oy yˈittë, yajmëjpëtsëëmdëbë Jyobaa, diˈib yajnaxkëdak etsë jäˈäy yˈamajtskˈatët.

KO NETY TË YAˈIJXTÄˈÄYË BIDEO ¿TI MBÄÄT XYTYUNY PARË MTSËNÄˈÄY MJUKYˈÄJTËN YˈITËT MËK?, TA YAˈˈATSOOWËMBITËDË TYÄˈÄDË YAJTËˈËWËN:

• Extëm të nˈijxëm mä bideo, ¿wiˈix nyaymyëjagamgakëde Shaan mëdë Kiara?

• ¿Tiko jyëjpˈamëty etsë kasäädë jäˈäy nyaytyukmëtmaytyäˈägëdët wiˈix nyayjyawëdë?

• ¿Wiˈixë Shaan mëdë Kiara pyudëjkëdë yˈijxpajtënë Abrahán mëdë Sara?

• ¿Ti tyuundë Shaan mëdë Kiara parë jatëgok nyaymyëwingoonëdë?

• ¿Tiko kasäädë jäˈäy kyaj mbäät tˈawixtë ets ak oy tijaty ttundët?