Diˈib nääk të nyayajtëwëdë

Extëm jyënaˈanyë Eclesiastés 5:8, ¿yëˈëyëdaa yajmaytyakpë gobiernëtëjk diˈib yä naxwiiny o nan yajmaytyakpëdaa Jyobaa?

Xyyajwinmäˈäyëm extëm jyënaˈanyë Eclesiastés 5:8: “Pën mˈijxypy ko mä mˈit mlugäär tamˈäjtpë jäˈäy diˈib tyëytyuumpy ja ayoobë jäˈäy ets kyaj twintsëˈëgë ja madakën ets ja tëyˈäjtën, këdii tyäˈädë jotmay wiˈix xymyëdoy. Yëˈko tyäˈädë jäˈäy diˈib mëj ijtp, tam pën diˈib ijx tuunëp diˈib mas mëj ijtp, ets mä tyäˈädë nimajtskpë jäˈäy, tamˈäjttëp diˈib mas këjxmë kutujkën myëdäjttëp”.

Ëtsäjtëm, mbäät nwinmäˈäygyojëm ko tyäˈädë tekstë, yëˈë myaytyäˈägaambyë gobiernëtëjk diˈib myëdäjttëbë kutujkën. Per ko wanaty nˈakwinmäˈäyëm, xytyuknijäˈäwëm tuˈugë tëyˈäjtën diˈib tsoˈomp mä Jyobaa diˈib xyˈagujkmoˈoy xyjyotkujkmoˈoyëm.

Eclesiastés 5:8 yëˈë myaytyakypy tuˈugë anaˈambë diˈib tyëytyuumpy ja ayoobë jäˈäy ets kyaj ttuunë ja tyëyˈäjtën. Tyäˈädë anaˈambë, oyxyëp ko tjamyetsy ko waˈan jyamëty pën diˈib ijx tuunëp diˈib mas këjxm ja kutujkën myëdäjtypy. Ets ko nan waˈan jyamˈattë wiinkpë anaˈambë diˈib mas këjxm ja kutujkën myëdäjttëp. Per jotmaymyëët njënäˈänëm ko niˈamukë tyäˈädë gobiernëtëjk mbäät dyaˈˈayowdë jäˈäy mët ko kyaj tijaty ttundë tëyˈäjtën myëët.

¿Ti mbäät xyjyotkujkmoˈoyëm pën nˈijxëm ko kyaj jyawë nyekyˈoyëyaˈany tuˈugë jotmay? Ko Jyobaa yˈijxy tyuumpy axtë ja gobiernëtëjk diˈib mas këjxmë kutujkën myëdäjttëp. Mbäät nmëwäˈän nmëtsoˈowëm parë xypyudëjkëm ets nduknipëjkëm ja nˈamayˈäjt njotmayˈäjtëm (Sal. 55:22; Filip. 4:6, 7). Nnijäˈäwëm ko “Jyobaa wyiin tyukˈijxëtyaapy tukëˈëyë naxwinyëdë parë ttukpudëkëyaˈanyë myëjääw pënaty mëduunëp amumduˈukjot” (2 Crón. 16:9).

Eclesiastés 5:8, yëˈë xytyukjamyajtsëm ko mä ja gobiernëtëjk diˈib anaˈamdëp yä naxwiiny, tam diˈib mas këjxm ja kutujkën myëdäjtypy. Nan xytyukjamyajtsëm ko Jyobaa yëˈë diˈib mas këjxm ja kutujkën myëdäjtypy yä Naxwiiny ets jam tsäjpotm. Yëˈë diˈib tyam anaˈamp ets dyajtunyë Jesus extëmë Rey mä ja yˈAnaˈam Kyutujkën. Jyobaa diˈib tukëˈëyë mëkˈäjtënë myëdäjtypy, yˈijxtaapy tijaty ets tëyˈäjtën myëët winë ttuundäˈäy. Etsë Jesus diˈib yˈUˈunkˈäjtypy, nanduˈun tijaty ttuny.