Jyobaa tyestiigëty, ¿wyintsëˈkëdëbë wiinkpë relijyonk?

Jyobaa tyestiigëty yëˈë pyanëjkxtëbë tyäˈädë käjpxwijën diˈib yajkypyë Biiblyë: “Wintsëˈëgëdë mëjpë mutskpë” (1 Peedrʉ 2:17). Duˈunë duˈun, niˈamukëtsë jäˈäy nwintsëˈëgëdë, oy diˈibë relijyonk ttukˈitëdë. Ta paˈis mä jyaˈˈaty milˈamë Jyobaa tyestiigëty, per kyaj ti ttundë parë politikëtëjk o anaˈambëtëjk dyajkubokët tijaty tyuundëbë wiinkpë relijyonk. Nan kyajts ndundë kampanyë parë nyaxkëdäˈägëdë anaˈamën etsë jäˈäy tmëbëktët extëmëts tijaty nmëbëktë. Nmëjjäˈäwëdëpts kojëtsë jäˈäy xywyintsëˈëgëdë ets nan nduundëbëtsë mëjää parëts nwintsëˈëgëdë (Matewʉ 7:12).