Nkuma Ĩnjega rĩ, nĩ Mma Yuumĩte Kĩrĩ Mũrungu?

1.Nũũ Mũtuungi wa Bibiria?

Nkuma ĩnjega atĩ, antũ bagatũũra kenya na kenya nthĩgũrũne nĩandĩkĩtwe Bibiriene. (Zaburi 37:29) Bibiria ĩĩthagĩrwa na mauku 66. Mũrungu aatumĩĩre antũarũme eetĩkĩkua ta 40 kũmĩandĩka. Mauku ja mbere jatano jaandĩkĩrwe nĩ Musa gĩntũ ta mĩaka 3,500 ĩmĩthiru. Iuku rĩa mũthia rĩandĩkĩrwe nĩ mũtũmwa Johana nkũrũki ya mĩaka 1,900 ĩmĩthiru. Nĩ mathũgaanio jaaũ aandĩki ba Bibiria baandĩkĩre? Mũrungu aaranagĩria na aandĩki ba Bibiria gũkũrũkĩĩra kĩrundu kĩawe gĩkĩtheru. (2 Samweli 23:2) Baandĩkĩre mathũgaanio ja Mũrungu, ĩndĩ tĩ jaao bongwa. Kwou, Jehova nĩwe Mũtuungi wa Bibiria.​—Thooma 2 Timotheo 3:16; 2 Petero 1:20, 21.

Tega vidio ĩjĩ Nũũ Mũtuungi wa Bibiria?

2. Nĩatĩa tũũmba kũmenya Bibiria nĩ ya mma?

Tũmenyaga Bibiria yuumĩte kĩrĩ Mũrungu tontũ nĩroragia mantũ ja kagiita keejĩte ĩtĩkũatia kinya aniini. Gũtĩ muntũ ũũmba kũthithia ũu. (Joshua 23:14) Nĩ Mũrungu Mweneinya Yonthe akĩ ũũmba kũroria atĩkũatia, ĩgiita rĩrĩa rĩĩjĩte rĩa antũ.​—Thooma Isaya 42:9; 46:10.

Twĩrĩgagĩĩra iuku riumĩte kĩrĩ Mũrungu rĩthĩrwe rĩrĩ rĩa mwanya, na nĩu Bibiria ĩkari. Bibiria mbirioni inyiingĩ nĩiritĩtwe na mĩgambo ĩmiingĩ. Kinya kethĩra Bibiria nĩ iuku rĩa karaaja, nĩrĩgwatanagĩra na sayanci ya mma. Aandĩki baayo bonthe 40 baandĩkĩre mantũ jagwatanĩrĩte.a Nkũrũki, Bibiria nĩyoonanagia bwega wendo bwa Mũrungu, na ĩrĩna inya ya kũgarũra mũtũũrĩre jwa antũ na njĩra ĩnjega. Mantũ jaja nĩjatũmaga antũ mirioni inyiingĩ beetĩkia Bibiria nĩ Rũteto rwa Mũrungu. ​—Thooma 1 Athesalonike 2:13.

Wĩrorere video Nĩatĩa tũũmba kũmenya Bibiria nĩ ya mma?

3. Bibiria ĩrĩna mantũ jarĩkũ?

Nkuma ĩmwe ĩnjega ĩrĩa ĩrĩ Bibiriene nĩ atĩ, Mũrungu arĩna mworoto jwa wendo kĩrĩ antũ. Maandĩko nĩjataaragĩria ũrĩa muntũ aatere kaanya gakeega ka gũtũũra paradiso nthĩgũrũne, na ũrĩa mũthiene paradiso ĩu ĩgacookua.​—Thooma Kugwurirwa 21:4, 5.

Rũteto rwa Mũrungu kinya rũrĩna mawaatho, mooritani na kĩrĩra. Nkũrũki, Bibiria nĩyoonanagia ũrĩa Mũrungu aathithaĩria antũ karaaja​—mantũ jau ja karaaja nĩjaumbũraga ũrĩa Mũrungu akari. Kwou, Bibiria nĩtũteethagia kũmenya Mũrungu. Nĩritanaga ũrĩa ũũmba kwaa mũcoore waawe.​—Thooma Zaburi 19:7, 11; Jakubu 2:23; 4:8.

4. Nĩatĩa ũũmba gũciũkĩrwa nĩ Bibiria?

uku rĩrĩ rĩgagũteethia gũciũkĩrwa nĩ Bibiria, rĩgĩtumagĩra njĩra ĩrĩa Jesũ aatumagĩra. Oonanagia ĩandĩko rĩmwe gwĩta rĩngĩ, na agataarĩria “mantu ja Murungu jaria jaandiki.”​—Thooma Luka 24:27, 45.

Nkuma ĩnjega kuuma kĩrĩ Mũrungu nĩretaga kũgwĩrua mono. Ĩndĩ antũ bamwe nĩbamĩregaga na bangĩ nĩbathũũragua nĩyo. Menya uunĩka nkoro. Wĩrĩgĩĩro bwaku bwa kũgwĩrĩrua mwoyo jwa kenya na kenya bũrĩĩrĩgĩĩra, gwĩta gwaku na mbere kũmenya Mũrungu.​—Thooma Johana 17:3.