Ũrĩa ũũmba kũgunĩka nkũrũki kuumania na ithoomo bibi bia Bibiria
Romba ũritanwe: Romba ũrĩa wakweere iuku rĩrĩ akũritane Bibiria, kana ũtũme ĩromba kĩrĩ webusaĩti yetũ, jw.org/mer.
GĨCUNCĨ KĨA MBERE
Thooma o gacuncĩ, na biũria birĩa biandĩki na rangi ĩndito (A) o amwe na Maandĩko (B) jarĩa jakwinyĩĩria mantũ jarĩa jagũciumĩria. Ũkoona Maandĩko jamwe jaandĩki “thooma.”
GĨCUNCĨ KĨA GATĨGATĨ
Biugo bia kwambĩrĩria kĩrĩ (C) Ĩnja Nkũrũki birĩtaarĩĩria jarĩa jathingatĩte. Biongo birĩa iniini (D) birĩonania jarĩa jakaarĩĩrua. Thooma Maandĩko, ũcookie biũria na ũtege vidio (E).
Tega mbica bwega na biugo bia gwitarĩĩria (F), na ũthũgaanie ũrĩa ũũmba gũcookia kĩrĩ Antũ Bamwe Baugaga (G).
GĨCUNCĨ KĨA MŨTHIA
Njĩra Ĩnkuĩ na Gũcookera (H) nĩbio bikũthirĩkĩĩria kĩthoomo. Kĩthoomo kĩathira andĩka tarĩki. Mworoto (I) jũrĩkwaa ũntũ bwa kũritĩra ngũgĩ. Kĩrĩ kĩongo Cũnkũũna (J) kũrĩ na mantũ nkũrũki jarĩa ũũmba kũthooma kana gũtega kĩrĩ vidio.
Ũrĩa ũũmba gũcwaa tũcuncĩ kĩrĩ Bibiria
Maandĩko jonanĩtue na njĩra ya iuku rĩa Bibiria (A), mũrango (B), na mũstaarĩ kana mĩstaarĩ (C). Ngerekano, Johana 17:3 ĩrĩonania iuku rĩa Johana, mũrango jwa 17, mũstaarĩ jwa 3.