GĨCUNCĨ KĨA 3

Ũtũũro Bwakari Atĩa Ndene ya Paradiso?

Jehova naere Adamu na Hawa into bibingĩ bibithongi. Kiambiriria 1:28

Jehova arĩkũũmba Hawa, naamwejanĩre kĩrĩ Adamu

Jehova noombĩre mũka wa mbere Hawa, aramwaa Adamu ae mwekũrũ wawe.—Kiambiriria 2:21, 22.

Jehova naboombĩre barĩ na mathũganio na mĩĩrĩ ĩmĩũjũru ĩtĩ na thĩĩna.

Adamu na Hawa bategete Paradiso, nja yao

Nja yao Paradiso yarĩ mundene jwa Edeni—gũntũ gũkũthongi mono kũrĩ na ndũũjĩ, mĩtĩ ya matunda na nyomoo.

Jehova naragia nabo, na kũbaritana. Kethĩra nĩbamũthikĩrĩre barĩngĩ gũtũũra kenya na kenya ndene ya Paradiso nthĩgũrũne.

Mũrungu naberire batĩkarĩe kumania na mũtĩ jũmwe. Kiambiriria 2:16, 17

Mũtĩ jũrĩa jwarĩ mudene jwa Edeni, jũrĩa Mũrungu eerĩte Adamu na Hawa batĩkarĩe

Jehova nonerie Adamu na Hawa mũtĩ jũmwe jwa matunda na arabera bakeja kũrĩa kumania naju bagakua.

Mũraĩka ũmũthũũku, Shaitani Nkoma, agĩtumagĩra njoka kwaria na Hawa

Mũraĩka ũmwe naremere Mũrungu. Mũraĩka ũu mũthũku nĩwe Shaitani na Nkoma.

Shaitani atendaga Adamu na Hawa bathĩkĩra Mũrungu. Kwou natũmĩĩre njoka kwaĩria Hawa atĩ akeja kũrea kumania na matunda ja mũtĩ jũu atĩkua, ĩndĩ agakara ta Mũrungu. Na bũu bwarĩ ũrongo.—Kiambiriria 3:1-5.