Kwaria na Njĩra ya Wĩthĩre

Ũrĩa Filipu Aathithĩrie

VIDIO: Filipu Gũtũmĩĩrĩria Mwithiopia

1. Tega VIDIO ĩjĩ, kana ũthoome Mathithio 8:30, 31. Rĩu ũcookie biũria bibi bithingatĩte:

1. Filipu aambĩrĩrie rwaria atĩa?

2. Nĩkĩ njĩra ĩu yaarĩ ya wĩthĩre ya kwambia rwaria kenda oomba kũritana muntũ mũrũme ũu ũntũ bũbwerũ?

Nĩmbi Tũkwiritana Kuumania na Filipu?

2. Kethĩrwa tũgetĩkĩĩria rwaria rwĩte na mbere na njĩra ya wĩthĩre, bũu bũgatũma muntũ ũrĩa tũkwaranĩria nawe atĩgatũkĩre na ende gũtũthikĩĩra.

Igerekanie na Filipu

3. Tega mantũ jarĩa jagwĩta na mbere. No wiritane mantũ jamaingĩ jegie muntũ ũrĩa ũkwaranĩria nawe kũringana na ũrĩa akwonekana ũthiũ na mantũ jarĩa akũthithia. Nakwoneka teka akwenda kwaranĩria nawe? No wambĩrie kwaria nawe ũntũ kuuma Bibiriene na njĩra ya kũmũria, “Ũramenya atĩ . . . ?” Menya ũkinyĩĩria rwaria na muntũ ũtĩkwenda kwaria nagwe.

4. Ĩthĩrwa na weteeri. To mwanka wambĩrie rwaria rwa Bibiria o-rĩo. Eteera mwanka kagiita karĩa kagĩrĩte gaciumĩrie nĩkenda warie mantũ na njĩra ya wĩthĩre. Magiita jamwe, ũu nĩ kuuga gweteera mwanka rĩrĩa ũkaranĩria na muntũ ũu kaĩrĩ.

5. Garũkana kũringana na muntũ ũrĩa wethĩra. Muntũ ũrĩa twethĩra no ambĩrĩrie kwarĩĩria mantu jangĩ jatĩ jarĩa tũkũbangĩte. Kwou ĩthĩrwa na wendi bwa kwarĩĩria ũntũ bũrĩa bũkaringithia muntũ ũu, kinya kethĩra ũkabatara kwarĩĩria ũntũ mwanya na bũrĩa ũkũbangĩte.