Ũcamba

Ũrĩa Jesũ Aathithĩrie

VIDIO: Jesu Kwaa Mũthaka Ũrĩa Warĩ Gĩtonga Ũtaaro

1. Tega VIDIO ĩjĩ, kana ũthoome Mariko 10:17-22. Rĩu ũcookie biũria bibi bithingatĩte:

1. No kũmbĩke nĩ nkuma irĩkũ injega Jesũ oonete kuuma kĩrĩ mũthaka ũu warĩ gĩtonga?

2. Nĩkĩ Jesũ aabataraga kwĩthĩrwa na wendo na ũcamba nĩkenda aa muntũ mũrũme ũu ũtaaro?

Nĩmbi Tũkwiritana Kuumania na Jesũ?

2. Kinya kethĩra nĩ tũkũbatara kwonania wendo, nĩkenda aritwa beetũ bathithia wĩti na mbere gĩkĩrundu nĩtũkũbatara kũbeera carũrũkũ mantũ jarĩa bakũbatara kũritĩra ngũgĩ.

Igerekanie na Jesũ

3. Tetheeria mũritwa gũciĩkĩra na gũkinyĩra mĩoroto ya gĩkĩrundu.

1. Tumĩra gĩcuncĩ kĩa “Mworoto” kĩrĩ o kĩthoomo iukune rĩa Gwĩrĩrua Ũtũũro Kenya na Kenya!

2. Tetheeria mũritwa waaku wa Bibiria kũmenya matagaaria jongwa jarĩa akũbatara kũjũkia nĩkenda akinyĩra mĩoroto yaawe ya ĩgiita rĩĩkuĩ na ĩgiita rĩĩraaja.

3. Ĩthĩrwa na rũmenyeria rwa kũmũcookeria nkaatho kĩrĩ wĩti na mbere bũrĩa akũthithia.

4. Menya mantũ jarĩa joomba kwĩthĩrwa jakĩrigagĩĩria mũritwa waaku gwĩta na mbere, na ũmũtetheerie kũjacinda.

1. Ciũrie:

   • ‘Nĩmbi ĩkũrigĩĩria mũritwa wakwa eeta na mbere mwanka akinyĩra ũbatithio?’

   • ‘Nĩatĩa mpũmba kũthithia nĩkenda mũtethia?’

2. Romba wĩthĩrwe na ũcamba na ũmwĩre carũrũkũ na njĩra ya wendo mantũ jarĩa akũbatara kũthithia.

5. Tigana na aritwa barĩa batĩkũthithia wĩti na mbere.

1. Menya kethĩra mũritwa waaku nakũthithia wĩtĩ na mbere na njĩra ya gũciũria ũũ:

   • ‘Rĩ, mũritwa wakwa nagũtumĩra jarĩa akwiritana?’

   • ‘Nejaga mĩcemanione ya kĩũthũrano na kwĩra bangĩ jarĩa airitanĩte?’

   • ‘Kethĩra nairitanĩte ĩgiita rĩnna rĩ, nakwenda kwaa Mũkũujĩ wa Jehova?’

2. Kethĩra mũritwa wa Bibiria atĩkwenda kũthithia wĩti na mbere:

   • Mũũrie nĩmbi yũũmba kwĩthĩrwa ĩkĩmũrigagĩĩria.

   • Mũtarĩĩrie na njĩra ya gĩtĩĩo nĩkĩ bũtĩta na mbere kwiritana.

   • Mwĩre mantũ jarĩa akũbatara kũritĩra ngũgĩ kethĩrwa nakwenda bwĩta na mbere kwiritana ĩgiita rĩĩjĩte.