GĨCUNCĨ KĨA 9

Nĩrĩ Nthĩgũrũ Ĩkaa Paradiso?

Mathĩĩna jarĩa jarĩ nthĩgũrũne nĩjakwonania atĩ Ũnene bwa Mũrungu bũrĩ akuĩ kwĩja. Luka 21:10, 11; 2 Timotheo 3:1-5

Mathĩĩna jarĩa jakwonekana ntukũne cia mũthiro—ũkoroku, ndũa, mĩrimo, kũnyiia kwa biakũrĩa, kũrega kwathĩkĩra aciari, ndũa cia kĩmũci

Ũroria bwa Bibiria nĩbugĩte mantũ jamaingĩ jarĩa jakũthithĩka narũa. Yugĩte atĩ antũ bakaa endi ba mbia mono, ndemi irĩa iremaga aciari, ngĩti, na barĩa bendeete kwigwĩria nkũrũki.

Gũkethĩrwa kũrĩ na kwinaina gũkũnene kwa nthĩgũrũ, ndũa, gũkagĩta mpara, na gutamba kwa mĩrimo. Mantũ jau nĩjagũkarĩka nandĩ.

Mũkũũjĩ wa Jehova agĩtũmagĩĩria nkuma ĩnjega ya Ũnene bwa Mũrungu kĩrĩ muntũ mũrũme

Bũngĩ nĩ atĩ, Jesũ augire nkuma ĩnjega ya Ũnene bwa Mũrungu igatũmĩĩrua nthĩgũrũ yonthe.—Mathayo 24:14.

Ũnene bwa Mũrungu bukathiria athũũku bonthe. 2 Petero 3:13

Antũ bathũũku bakĩthiragua ndũene ya Armagedoni, rĩu Shaitani na irundu biawe bithũũku bagĩkanũkagua

Jehova akathiria barĩa athũku kagita gatĩ kũraaja.

Shaitani na ĩrundu bithũũku bagakanũkua.

Jesũ akarĩrĩte rũriga rwawe rwa Ũnene naarĩa ĩgũrũ, na antũ ba ndũrĩĩjo mwanya mwanya bagwĩrĩtue

Barĩa bathikagĩĩra Mũrungu bakonoka batonye nthĩgũrũ ĩnjerũ ya wagĩru, kũrĩa gũkethĩrwa gũtĩ na ũguaa, nthĩgũrũ ĩrĩa antũ bakendana na gwĩtĩkania bongwa.