KĨTHOOMO KĨA 33
Jarĩa Ũnene Bwa Mũrungu Bũkoojũria
Ũnene bwa Mũrungu nĩbũkwathana nandĩ. Ĩgiita rĩtĩ kũraaja bũkathithia mogarũrũku jamanene nthĩgũrũne. Ka twarĩĩrie jamwe ja mantũ jameega jarĩa ũũmba kwĩrĩgĩĩra ĩgiita rĩa wathani bwa Ũnene bwa Mũrungu.
1. Nĩatĩa Ũnene bwa Mũrungu bũgacookia thĩĩrĩ na ĩota nthĩgũrũne?
Jesũ, Mũnene wa Ũnene bwa Mũrungu, akathiria antũ baathũũku na thirikarĩ cia antũ ndwene ya Amagedoni. (Kugwurirwa 16:14, 16) Ĩgiita rĩu, mawĩrane jonthe ja Bibiria jakoojũrua buru: “gatigi kagita kaniini uria mumaramari arege kwonora.” (Zaburi 37:10) Gũkũrũkĩĩra Ũnene bwa Mũrungu, Jesũ agatigĩĩra thĩĩrĩ na ĩota bikũũjũra nthĩgũrũne.—Thooma Isaya 11:4.
2. Nĩatĩa ũtũũro bũgakara wendi bwa Mũrungu bwambia kũthithĩka nthĩgũrũne?
Ĩgiita rĩa wathani bwa Ũnene bwa Mũrungu, ‘baria aagiru nibo bakaa eene rugai rwa nthi, na batuurage ku magita jonthe.’ (Zaburi 37:29) Ũthũgaania ũgĩtũũraga nthĩgũrũ ĩrĩa antũ bonthe barĩ babaagĩru, bendeete Jehova na bendeene bongwa! Gũtĩwe ũkaajua na antũ bonthe bagatũũra kenya na kenya.
3. Nĩmbi Ũnene bwa Mũrungu bũkoojũria nyuma ya antũ baathũũku kũthirua?
Antũ baathũũku barĩkia kũthirua, Jesũ akaathana arĩ Mũnene mĩaka 1,000. Ĩgiita rĩu, wee na barĩa akaathana nabo 144,000 bagatetheeria antũ nthĩgũrũne bae babaagĩru na batĩ na wĩyia. Mũthiene jwa ĩgiita rĩu, nthĩgũrũ ĩkagarũrwa yee paradiso ĩnthongi, yũũjũri antũ barĩ na kũgwĩrua barĩa bakagunĩka kuumania na kwathĩkĩra mawaatho ja Jehova. Rĩu Jesũ agacookia wathani kĩrĩ Ĩthe, Jehova. Nkũrũki ya ĩgiita rĩngĩ rĩonthe, ‘riitwa’ rĩa Jehova ‘rikathurwa.’ (Mathayo 6:9, 10) Ĩgiita rĩu gũkethĩrwa gwĩkũrikithua atĩ Jehova nĩwe Mwathani ũrĩa mwega na ũmakagĩra antũ baawe. Jehova akathiria Shaitani, irundu biithũũku, na muntũ ũngĩ kinya ũrĩkũ ũrĩa ũkathuura kũregana na wathani bwawe. (Kugwurirwa 20:7-10) Mantũ jameega jarĩa jakaretwa nĩ Ũnene bwa Mũrungu jagatũũra kenya na kenya.
ĨNJA NKŨRŨKI
Ona nĩkĩ tũũmba gwĩtĩkia atĩ Mũrungu agatumĩra Ũnene bwawe kũũjũria mawĩrane jonthe ja Bibiria jegie ĩgiita rĩĩjĩte.
4. Ũnene bwa Mũrungu bũkathiria thirikarĩ cia antũ
“Muntu agitaga na inya ya kwatha muntu ungi kenda amuthuukia.” (Mutumiiria 8:9) Jehova agatumĩra Ũnene bwawe kũthiria mothũũku jarĩa jareti nĩ waagi bũbũ bwa ĩota.
Thooma Danieli 2:44 na 2 Athesalonike 1:6-8, rĩu bwarĩĩrie biũria bibi:
Nĩatĩa Jehova na Mũtaana waawe Jesũ, bakathithĩria thirikarĩ cia antũ na barĩa baigwataga mbaru?
Nĩatĩa jarĩa wairitana jegie Jehova na Jesũ jagũkũrikithĩria atĩ, mathithio jaao jakethĩrwa jarĩ ja waagĩru na ĩota?
5. Jesũ nĩ Mũnene ũrĩa ũkwagĩra
Arĩ Mũnene wa Ũnene bwa Mũrungu, Jesũ akathithia mantũ jamaingĩ mono jarĩa jakaguna raia baawe nthĩgũrũne. Tega VIDIO nĩkenda wona ũrĩa Jesũ arĩĩkĩtie kwonania atĩ arĩna wendi na inya kuuma kĩrĩ Mũrungu ya gũtethia antũ.
Arĩ nthĩgũrũne, Jesũ noonanĩrie jarĩa Ũnene bwa Mũrungu bũrĩngĩũjũria. Nĩ itharimo birĩkũ kĩrĩ birĩa bigweti aja ũgwe wĩrĩgĩĩrĩte mono mono kwona bikĩũjũrua? Thooma Maandĩko jarĩa jaejani jarĩa jakwarĩĩria itharimo biu.
RĨRĨA JESŨ AARĨ NTHĨGŨRŨNE . . . |
JESŨ ARĨ ĨGŨRŨ . . . |
|---|---|
|
|
|
|
|
|
|
|
6. Ũnene bwa Mũrungu bũgatũretera ĩgiita rĩĩjĩte rĩrĩthongi mono
Ũnene bwa Mũrungu bũkoojũria buru mworoto jwa Jehova jwa kaumo kwerekera antũ. Bagatũũra kenya na kenya paradiso nthĩgũrũne. Tega VIDIO nĩkenda wona ũrĩa Jehova akũrita ngũgĩ gũkũrũkĩĩra Mũtaanowe, Jesũ, nĩkenda oojũria mworoto jwawe.
Thooma Zaburi 145:16, rĩu bwarĩĩrie kĩũria gĩkĩ:
Nĩatĩa ũkwigua wamenya atĩ ĩgiita rĩĩjĩte Jehova akanyiria “into bionthe biria biri mwoyo . . . o kiria biendaga”?
ANTŨ BAMWE BAUGAGA: “Twinthe tũkeeja kũgwatanĩra, twomba kũthiria mathĩĩna ja nthĩgũrũ.”
Nĩ mathĩĩna jarĩkũ Ũnene bwa Mũrungu bũkathiria jarĩa thirikarĩ cia antũ itĩũmba kũthiria?
NA NJĨRA ĨNKUĨ
Ũnene bwa Mũrungu bũkoojũria mworoto jwabu. Bũkagarũra nthĩgũrũ yonthe yee paradiso yũũjũri antũ babeega, barĩa bakathathayia Jehova kenya na kenya.
Gũcookera
Nĩatĩa Ũnene bwa Mũrungu bũkatheria riĩtwa rĩa Jehova?
Nĩkĩ tũũmba gwĩtĩkia atĩ Ũnenebwa Mũrungu bũkoojũria mawĩrane ja Bibiria?
Nĩ mantũ jarĩkũ wĩrĩgĩĩrĩte mono kwona Ũnene bwa Mũrungu bũkĩũjũria?
CŨNKŨŨNA
Cũnkũũna Amagedoni nĩmbi.
Cũnkũũna mantũ jarĩa jagakarĩka ĩgiita rĩrĩa Jesũ aarĩĩtĩre “ukia bubwingi.”—Mathayo 24:21.
Ona ũrĩa antũ ba nja bomba kũthũgaanĩria barĩ amwe itharimo bia ĩgiita rĩĩjĩte bia Ũnene bwa Mũrungu.
Kĩrĩ rũgono, “Nĩndaciũragia Biũria Bibingĩ,” iritane ũrĩa mũregani wa gĩciaca oonere macookio ja biũria birĩa aaciũragia.
“Bibiria Nĩgarũraga Ũtũũro” (Mnara wa Mlinzi, Januarĩ 1, 2012)