Laḡani Momo Lalodiai Iehova E Hesiai Henia Taudia amo Dahaka Ḡau Ba Dibadia?

Iseda kongrigeisin ai tadikaka bona taihu haida na laḡani momo lalodiai Iehova e hesiai henia. Idia amo baita dibaiamu ḡauna ta binai, nega iboudiai idia na Iehova enai e tabekaumu. Idia baita noidia Iehova ena orea ena histori bona hahetoho lalodiai Iehova ese e durudia daladia bae sivarailaidia. Reana baita boiridia, iseda ruma bese tomadihona lalonai bae helai vareai bena baita intaviu henidia diba.

Bema oi na laḡani momo lalodiai Iehova o hesiai henia, namona na Iehova ese oi e durumu daladia idauidau na memero kekeni vairaidia ai ba sivaralaidia. Iakob bona Iosef ese edia sivarai na natudia ediai e herevalaiva. (Ge 48:21, 22; 50:24, 25) Gabeai, Iehova ese ruma bese kwaradia e haḡanidia, ena hoa karadia sivaraidia na natudia vairadiai bae gwauraia. (De 4:9, 10; Sa 78:4-7) Iseda negai, namona na tama sina bona kongrigeisin taudia ese Iehova ena orea ese e haḡuḡurumu ḡaudia na uru matamata taudia vairadiai bae herevalai.

VIDIO LADANA TARAVATU NEGADIAI LALOTAMONA AI BAITA NOHO BA ITAIA, UNA MURINAI INI HENANADAI BA HAERELAIDIA:

• Iseda haroro bona tomadiho e taravatudia tanodia haida ai e nohomu tadikakadia be edena dala ai Austria brens ese e durudia?

• Unu tano ai e nohomu tadikakadia ese edia abidadama be ede e hagoadaia toma?

• Romania ai pablisa momo ese Iehova ena orea e rakatania badina be dahaka, bona ede e lou mai toma?

• Unu sivarai ese emu abidadama be ede e hagoadaia tomamu?