Dirava Ba Kamonai Henia​—Ina Buklet be Ede Baita Ḡaukaralaia Toma?

Dirava Ba Kamonai Henia buklet (ginigunana) ena laulau amo hereva momokani na duahiduahi asi dibadia taudia ba hadibalaidia. Laulau ta ta e hapararadia lainidia edia arrow ese be hakaumumu laulau ma ta ba herevalaia totona.

Dirava Ba Kamonai Henia Bona Ba Mauri Hanaihanai buklet (iharuana) lalona laulaudia bona buklet ginigunana lalona laulaudia na heheḡereḡere. To, buklet iharuana ena hereva na momo dainai, duahiduahi mai dibana stiuden ese baine ḡaukaralaia diba. Pablisa momo na e gwaumu, stadi ai stiuden ese buklet ginigunana e ḡaukaralaiamu neganai, namona na tisa ese buklet iharuana baine ḡaukaralaia. Rau momo henudiai e tore herevadia danu ba herevalai diba, stiuden ena diba o goada heḡereḡerena.

Ini buklet ruaosi na nega idauidau ai o hua idauidau ai ba hariharilai. Stadi lalodiai, laulau amo Baibul sivaraidia ba herevalai. Henanadai ba heni amo stiuden ba durua baine hereva bona baine laloparara totona. Rau ta ta ai e hetore siridia ba duahi bona ba herevalai. Buklet o haoreamu murinai, Baibul Ena Hahediba Maorodia be Dahaka? bukana amo stiuden ba stadi henia, ba durua ela bona bapatiso baine abia.