Iehova Ena Lalohadai Be Dahaka?

Ita ese abi hidi badadia o maraḡidia do asita kara lalonai, ita be siboda ta henanadaimu, ‘Iehova ena lalohadai be dahaka?’ Ena be Iehova ena lalohadai ibounai na basita dibaia namonamomu, to Ia ese ena Hereva amo “kara namo iboudiai” ikaradia daladia e hadibadamu. (2 Ti. 3:16, 17; Rom. 11:33, 34) Iesu ese Iehova ena ura na e lalopararalaia ḡoevaḡoeva bona ena mauri lalonai e atoa guna. (Ioa. 4:34) Iesu heḡereḡerena, baita hekwarahi Iehova ese e moalelaimu abi hididia baita kara.​—Ioa. 8:28, 29; Efe. 5:15-17.

VIDIO LADANA HANAIHANAI IEHOVA ENA URA BA DIBAIA (Lev. 19:18) BA ITAIA, BENA INI HENANADAI BA HAERELAI:

• Dahaka dainai Baibul ai hahekau herevadia baita badina?

• Ededia hahekau herevadia ese bae duruda miusik maorodia baita abi hidi?

• Ededia hahekau herevadia ese bae duruda eda dabua bona heḡoeva daladia baita abi hidi namonamo?

• Eda mauri lalonai ededia dala ma haida ai Baibul ena hahekau herevadia baita badina?

• Edena dala ai Iehova ena ura ilalopararalaina dalana baita hanamoa diba?