KRISTEN EDIA MAURI
Iseda Original Songs amo Dahaka Ba Dibadia?
Oi be ededia original songs o ura henimu? Badina be dahaka? Unu vidio laulaudia be iseda mauri ai e vara korikorimu ḡaudia e hahedinaraimu, a? Edia hereva kwaradia bona miusik idauidau ese taunimanima iboudiai na be durudiamu. To, original songs bona miusik vidio iboudiai na dia entertainment sibona mo dainai, lasi, to badina ma ta dainai e karadia danu.
Original song ta ta ese hahedibalaimu ḡaudia na eda Kristen mauri bona hesiai ḡaukara ai baita badina diba. Ini ane haida ese be durudamu ini kara baita hahedinarai: Heabidae, lalotamona, hetura, boga auka, lalokau, eiava abidadama. Ma ane haida ese be hagoadadamu Iehova baita lou henia, o ma haida edia dika baita gwautao, o dina ta ta ai kara maorodia baita kara, bona Iehova baita hesiai henia daladia idauidau baita tahu. Ane ta be ita e hadibadamu, mobael fon o tablet baita ḡaukaralaia namonamo. To oi ese o itaiamu, original songs edia namo ma haida be dahaka?
VIDIO EIAVA ORIGINAL SONG LADANA, BASINA GARI BA ITAIA, UNA MURINAI INI HENANADAI BA HAERELAIDIA: