Mauri Bona Hesiai Ḡaukara Hebou Pepana—2025 | July

JULY 28–AUGUST 3

HEREVA LADA-ISIDIA 24

Ane 23 Bona Ḡuriḡuri | Hebou Ikehona Herevadia (1 min.)

DIRAVA ENA HEREVA ENA NAMO

1. Hekwakwanai Negadiai Sibomu Ba Hahegoada

(10 min.)

Diba bavabia bona ba aonega (Her 24:5; w23.07 rau 18 par. 15)

Ba ḡuriḡuri, dina ta ta ai Baibul ba duahia, bona hebou basio readia, o lalohisihisimu negadia ai danu (Her 24:10; w21.02 rau 30-31 par. 17-19)

Bema eda abidadama na goada bona eda lalokau Iehova enai na bada, hekwakwanai negadiai baita haheaukamu (Her 24:16; w20.12 rau 15)

Gorere taihuna ta na mai moalena ida turana ida ruma ta ruma ta haroro ḡaukarana e karaiamu. Ena tablet e ḡaukaralaiamu ruma hahinena e hereva heniamu.

2. Dirava Ena Hereva Ba Tahua Namonamo

(10 min.)

Her 24:27—Ina siri amo dahaka ta dibamu? (w09-MO 10/15 rau 12)

Emu haere
Ina wiki ena Baibul duahiduahi amo oi e durumu ḡauna ta be dahaka?

Emu haere

3. Baibul Duahiduahi

(4 min.) Her 24:1-20 (th stadi 11)

EMU HARORO IHANAMONA DALANA

4. Herevahereva Ba Hamatamaia

(2 min.) NEGA BONA GABU IDAUIDAU AI HARORO ḠAUKARA. Emu haroro herevana do so gwauraia lalonai emu herevahereva na e doko. (lmd lesen 2 poin 4)

5. Herevahereva Ba Hamatamaia

(3 min.) RUMA TA RUMA TA. (lmd lesen 3 poin 4)

6. Herevahereva Ba Hamatamaia

(3 min.) PABLIK GABUDIAI HARORO ḠAUKARA. Kamonai tauna enai Baibul istadilaina dalana ba herevalaia bena Bible course contact kadi ta ba henia. (lmd lesen 4 poin 3)

7. Tok

(3 min.) lmd apendiks A poin 11—Sinado: Dirava Na Baibul amo Ita E Hereva Henidamu. (th stadi 6)

KRISTEN EDIA MAURI

Ane 31

8. Hekwakwanai Negadiai Ba Heduru Heheni

(15 min.) Henanadai bona haere.

Daihanai goreredia, disasta, heiriheiri, tuari, bona daḡedaḡe karadia na be vara haraḡamu. Nega unu bamodiai, tadikaka bona taihu na e hahegoadamu bona e heduru hehenimu. Ena be ita na dia tadikaka bona taihu ese e davarimu hekwakwanaidia lalonai, to idia na ta lalodiamu bona ta uramu baita durudia.—1Ko 12:25, 26.

Laulau: Tadikaka bona taihu na dala idauidau ai e heduru hehenimu. 1. Tadikaka bona taihu na disasta ese e hadikaia Kingdom Hall-na e haginia lou. 2. Tadikaka bona taihu na mai moaledia ida refiuji hahinena natuna ida e welkam henidiamu. 3. Taihu ta na Kingdom Hall ai kontribiusin e atomu. 4. Tadikaka bona taihu na Kingdom Hall ai refiuji tadikakadia ese bae ḡaukaralai kohudia e henimu. 5. Volentia taudia ese ranu dirodia e laohaidia. 6. Tadikaka ta na e ḡuriḡurimu.

1 Hanua Pavapavadia 13:6 bona Iakobo 5:16b ba duahidia. Bena helai taudia ba nanadaidia:

Dirava ena hesiai taudia, ma haida daidiai e ḡuriḡurimu na mai siahuna. Dahaka dainai unu ta gwau tomamu?

Emu haere

Mareko 12:42-44 bona 2 Korinto 8:1-4 ba duahidia. Bena helai taudia ba nanadaidia:

Ena be eda moni na dia heḡereḡere, dahaka dainai hekwakwanai e davarimu tadikakadia daidiai dounu kontribiusin baita heni?

Emu haere

VIDIO ba pleia Eda Ḡaukara E Taravatua Gabudiai E Nohomu Tadikakadia Ba Hagoadadia. Bena helai taudia ba nanadaidia:

Eastern Europe ai eda ḡaukara e taravatua neganai tadikaka be dahaka e kara unu amo unuseniai e nohomu tadikaka taihudia bae durudia?

Emu haere
Edena dala ai tadikaka taihu ese ina siri e badinaia?—Heb 10:24, 25

Emu haere