STADI DALANA
Siri Ba Lalotao Daladia
Nega haida emu ai e aukamu o ura heniamu sirina ba laloatao totona, a? Una siri na reana oi baine durumu, lalohadai dikadia ba dadarai, eiava o uramu ma ta enai ba herevalaia. (Sal. 119:11, 111) Ini na oi baine durumu siri ba lalotao daladia haida.
JW Library® app ai tag ba ḡaukaralaia. Una tag ai ina hereva ba torea “Na Ura Henimu Siridia,” bena o uramu ba lalotao siridia ba tore.
Ba ita haraḡa diba gabuna ai siri bavato. O uramu ba lalotao siridia na pepa ta ai ba tore, bena o itaia louloumu gabunai bavatoa. Haida na edia heita galasidia ai e kapamu; haida be edia frisa ai e kapadiamu. Ma haida be edia kompiuta eiava mobael fon wallpaper ai e atomu.
Kadi maraḡidia ba ḡaukaralai. Una kadi kahanai siri ba torea, ma kahana ta ai be siri herevana ba tore. Kadi ai siri ba itaia bena lalomu ai herevadia ba gwaurai, eiava kadi kahanai siri herevadia ba ita bena Baibul ai una siri e atoa gabuna ba laloa.