Ki Nou Aprann ar Sa Gran Deliz-La?

Bondie ti detrir bann move dimounn me Li ti sov Noé ek so fami. Genèse 7:11, 12, 23

Lapli ti bien tonbe pandan 40 zour ek 40 lanwit. Delo ti kouver later net. Tou bann move dimounn ti mor.

Bann anz ki ti rebele ti kit zot lekor imin ek ti vinn bann demon.

Bann ki ti dan lars ti gagn lavi sov. Mem si boukou letan apre Noé ek so fami ti mor, Bondie pou redonn zot lavi ek zot pou kapav viv pou touletan.

Bondie pou detrir bann move dimounn ek pou sov bann bon dimounn. Matthieu 24:37-39

Satan ek bann demon kontign anbet bann dimounn.

Zordi, parey kouma dan lepok Noé, boukou dimounn rezet direksion ki Jéhovah donn zot avek lamour. Biento Jéhovah pou detrir tou bann move dimounn.​—2 Pierre 2:5, 6.

Ena sertin dimounn ki parey kouma Noé. Zot ekout Bondie ek fer seki Li dir. Sa bann dimounn-la se bann Temwin Jéhovah.