Revizyon Lekol Minister Teokratik
Nu pu egzaminn bann kestyon ki lor sa fey la dan Lekol Minister Teokratik pandan semenn ki kumanse apartir le 24 Fevriye, 2003. Sirveyan lekol pu fer enn revizyon oral pandan 30–minit. Sa revizyon la baze lor bann size ki ti fer apartir semenn 6 Zanvye ziska semenn 24 Fevriye, 2003. [Not: Kan pena okenn referans apre bann kestyon, u pu bizin fer u prop resers pu truv bann repons.—Get liv École du ministère, paz 36-7.]
KALITE KI ENN ORATER BIZIN DEVLOPE
1. Vre Uswa Fos: Pu fer enn lektir egzak nu bizin asir nu ki seki nu pe lir paret bon, mem si seki nu pe lir la inpe diferan avek seki finn ekrir. Explike. [beF paz 83]
2. Ranpli Bann Lespas Vid: Pu kapav fer enn lektir egzak, enn kikenn bizin ․․․․․․․․, ․․․․․․․․, ․․․․․․․․ ek fer sa for. [beF paz 85]
3. Kifer eski li inportan pu koz enn fason kler? (1 Kor. 14:8, 9) [beF paz 86]
4. Pu ki rezon li kapav arive ki lezot pa konpran nu koze, ek ki nu kapav fer pu koz enn fason pli kler? [beF paz 87-8]
5. Ki bann mo ki finn servi dan Lekol Minister Teokratik pandan sa de dernye mwa la, ki u panse u bizin pratike pu pronons zot byin? [beF paz 92]
DEVWAR NO. 1
6. Vre Uswa Fos: Nu lizye kapav ed nu pu ekute. Explike. [beF paz 14]
7. Ranpli Bann Lespas Vid: ․․․․․․․․, ․․․․․․․․, ek ․․․․․․․․, Bondye servi zot pu indik letan. [siF paz 279 par. 7]
8. Ranpli Bann Lespas Vid: Dan Labib mo ki servi pu “zur” kapav reprezant enn peryod ․․․․․․․․ er, ․․․․․․․․ er, ․․․․․․․․ an, uswa ․․․․․․․․, se kontex la ki montre ki li reprezante. [siF paz 279 par. 8]
9. Kuma legzanp Ana, Mark, ek Eliya kapav ed nu pu reysi fer fas avek dekurazman? Kuma eski nu kapav servi sa bann legzanp la pu ed lezot? [wF 01 1/2 paz 20-3]
10. Kuma eski si nu ena enn konesans lor bann spor ki ti ena dan lepok lontan, sa kapav ed nu pu konpran pli byin sertin verse Labib? Kuma eski sa ranseynman la bizin inflyans nu lavi? [wF 01 1/1 paz 28-31]
LEKTIR LABIB TULESEMENN
11. Vre Uswa Fos: Parski Rwayom Bondye inn etabli dan lesyel an 1914, li nepli neseser ki nu kontiyn priye, “Ki to rwayom vini.” (Mat. 6:10) Explike. [beF p. 279; wF 96 1/6 paz 31]
12. Vre Uswa Fos: Seki Zezi ti dir an Matye 11:24, montre ki bann abitan lavil Sodom ek Gomor ki Zeova ti detrir par dife, pu resisite. Explike.
13. Swazir Bon Repons dan Sak Fraz: Esklav fidel ki ena bon zizman, ki Zezi mansyone dan Matye 24:45-47 se (a) Kolez santral bann Temwin Zeova; (b) tu bann Kretyin ki ena lesperans pu al dan lesyel antan ki enn grup lor later, dan ninport ki moman; (c) Zezi Kris limem. Sa esklav la donn bann “domestik,” nuritir spirityel dan bon moman. Sa bann “domestik” la reprezant (a) sak Kretyin ki pu al dan lesyel lor plan individyel; (b) bann lezot muton; (c) tu bann seki lir bann piblikasyon Kretyin. Met sa esklav la inn donn li puvwar lor tu so dibyin an (a) 1914; (b) 33 N.L.; (c) 1919.
14. Swazir Bon Repons dan Sak Fraz: Dan legzanp ki Zezi ti servi dan Matye 13:47-50, li ti koz lor enn file. Dan sa file la ti ena tulede, ti ena kongregasyon bann Kretyin ki pu al dan lesyel ek (a) Rwayom Bondye; (b) zot bann kamarad, bann lezot muton; (c) bann relizyon ki pretann ki zot Kretyin.
15. Dapre seki Zezi ti dir dan Matye 5:24, ki u pu bizin fer si u santi ki u finn ofans enn lot Kretyin? [gF 96 8/2 paz 26-7]