Anons

◼ Piblikasyon ki pu ofer an Janvier: Ninport ki liv ki’nn pibliye avan 1988 ek ki la kongregasyon ena dan stok. Si u pena dan stok, check avek bann kongregasyon vwazinn si zot ena enn sirplis ki u kapav servi. Bann ki pena sa bann ansyin liv-la, kapav prezant liv L’humanité à la recherche de Dieu. Février: Approchez-vous de Jéhovah. Si pena sa liv-la, u kapav prezant liv La vie : comment est- elle apparue ? Évolution ou création ? (gran ek ti forma) uswa liv La Révélation : le grand dé-nouement est proche ! Mars: Konesans Ki Amenn ver Lavi pu Tuletan. Fer enn zefor spesyal pu kumans bann letid de la Bib. Si ena ki’nn fini lir sa liv-la, u kapav servi liv Prêtons attention à la prophétie de Daniel ! Avril:Réveillez-vous ! ek Latur Degard. Kan u fer bann nuvel vizit, pa bliye bann dimunn ki asiste Mémorial uswa bann lezot evennman teokratik me ki pa frekant la kongregasyon regilyerman. Efors u pu prezant liv Ador Sel Vre Bondye an Créole/an Français. Fer enn zefor spesyal pu kumans enn letid de la Bib, sirtu si enn kikenn inn deza fini etidye liv Konesans ek brosir Ki Bondye Pe Demann Nu?

◼ Apartir semenn le 15 Mars, 2004, nu pu etidye liv Approchez-vous de Jéhovah dan nu Letid de Liv.

◼ Apartir Février, ek oplitar le 7 Mars, tem nuvo diskur sirveyan sirkonskripsyon pu “ Quelles valeurs comptent le plus à vos yeux ? ”

◼ Bann kongregasyon bizin fer laranzman neseser pu selebre Mémorial, Dimanche le 4 Avril, 2004, apre kuse soley. Mem si diskur la kapav kumans avan, bizin pas bann lanblem apre kuse soley. Soley pu kuse 6.07 p.m. sa zur-la. Pa pu ena okenn lezot reynion sa zur-la apart reynion pu la predikasyon. Bizin fer bann laranzman apropriye pu ki kapav kondir letid Latur Degard enn lot moman. Bann sirveyan sirkonskripsyon bizin modifye zot program reynion pu la semenn dapre sityasyon kongregasyon ki zot pe vizite. Mem si li bon ki sak kongregasyon selebre so prop Mémorial, defwa sa li pa tuzur posib. La kot plizir kongregasyon abitye servi mem la Salle du Royaume, kitfwa li pu bon ki sertenn kongregasyon truv lezot lanplasman pu selebre zot Mémorial. Me si de kongregasyon selebre Mémorial dan mem Salle du Royaume, li preferab ki ena enn lespas 40 minit ant tulede selebrasyon. Sa pu permet lasistans tir maximum profi. Li pu bon usi veye ki pena okenn problem sirkilasyon ek parking kan bann véhicule pe depoz uswa ramas pasaze. Bann ansyin pu bizin pran bann dispozisyon apropriye pu zot kongregasyon.