Lettre College Central
Chers Proclamateurs du Royaume:
Nous content faire zot koné ki l’agrandissement l’imprimerie de Wallkill aux États-Unis finn terminé ek li en service actuellement. Éna deux nouveaux presses rotative ki finn installé ek chaque presse kapav produire 90,000 périodiques par heure. Éna aussi bann machines ki kapav relié 120 livres avec bann couverture en carton par minute. Grâce à sa l’agrandissement-la, finn kapav vann bâtiment ki ti trouve 360 Furnam Street à Brooklyn, ek tou séki ti éna là-bas finn transféré dans bâtiment ki trouve 117 Adams Street ki en rénovation actuellement.
Au commencement l’année, nous finn gagne la joie pou envoye deux surveillants circonscription de l’Île Maurice au Cameroun, pou enn l’école ki ti organisé dans zot l’intention. Premier classe ti commencé 1er Mars ek inn terminé le 30 Avril. Ti éna apépré enn trentaine zélèves ki ti assisté sa l’école-la, ek li finn dure deux mois. Deux surveillants circonscription de la Réunion pé gagne l’occasion forme partie dans la deuxième classe ki’nn commencé le 1er Septembre ek ki pou terminé le 30 Octobre. Nous vraiment content ki sa bann frères-la pé kapav gagne enn excellent formation.
Pendant l’époque Mémorial bann proclamateurs dans nous bann Îles finn faire enn grand travail dans la prédication. Ti éna en tout 409 pionniers auxiliaire pendant le mois d’Avril. Ek ti éna 10,398 assistants pou le Mémorial.
Pareil couma zot, nous aussi nous impatient “pou éna toujours beaucoup pou faire dans l’oeuvre du Seigneur,” au commencement l’année de service 2005.—1 Cor 15:58.
Zot frères,
Béthel de Maurice