Fidel dan bann l’epreuve
En avril 1951, ti rassemblé bann millier Témoins de Jéhovah ki ti ena en ex-Union soviétique, par famille en entier, pou mette zot dan bann train marchandise ek deporte zot en Sibérie. Kifer gouvernement soviétique ti determiné pou extermine zot? Couma nou bann frere inn reussi reste vivant ek mem prosperé malgré ki zot inn contigne gagne persecution enn derriere lot pendant tou sa bann l’année-la? Ou pou konn la reponse kan ou guette cassette video Fidèles dans les épreuves — Les Témoins de Jéhovah en Union soviétique. Nou esperé ki sa message ki ena ladan-la pou renforci ou determination pou reste fidel ar Jéhovah n’importe ki kitsoz ki arrivé!
Couma ou pou reponn sa bann question-la? (1) Kan premier fois ti reconette bann Témoins de Jéhovah officiellement dan la Russie? (2) Avant ek apré Deuxieme Guerre mondial, couma quantité famille Témoins de Jéhovah finn augmenté dan l’Union soviétique? (3) Kifer zot bann croyance ti opposé directement ar philosophie Lénine? (4) Ki ti été l’“Opération Nord,” ek ki Staline ti esperé faire grace a sa? (5) Ki sa deportation-la ti representé pou bann Témoins, ek ki ti demann zot faire pou pa deporte zot? (6) Pendant sa longue voyage ki zot ti bizin faire dan train ziska zot arrive en Sibérie-la, couma nou bann frere ek soeur ti encourage sakenn so camarade ek en mem temps etonne bann garde? (7) Par ki qualité souffrance bann Témoins inn passé en Sibérie? (8) Ki disposition spirituel bann Témoins ti considere couma bien important, ek kifer zot ti considere sa coumsa? (9) Kifer nou bann frere ti paré pou riské zot la-vie pou imprime bann publication, ek couma eski zot ti reussi gagne bann publication malgré tou seki bann l’autorité ti contigne faire pou empeche zot? (10) Couma eski Khrouchtchev li aussi ti contigne persecute bann serviteur Bondié? (11) Ki bann moyen gouvernement ti servi pou essaye detruire la foi bann jeune Témoins? (12) Ki nou bann frere ti bien comprend concernant raison pou kifer zot ti pé gagne persecution? (L’Annuaire 2002, page 203-4) (13) Couma eski sa grand l’attak ki bann persecuteur ti lance kont l’organisation Bondié-la ti vire kont zot-mem? (L’Annuaire 2002, page 220-1) (14) Ki bann rêve inn vinn enn realité pou bann Témoins ex-Union soviétique? (15) Ki finn permette nou bann frere pou endure bann l’epreuve, ek couma dernier scene ki ena dan sa cassette-la montré nou ki bann parole ki nou lire dan Jérémie 1:19, zot vrai? (16) Parmi tou sa bann frere ek soeur ki’nn reste fidel malgré bann l’epreuve-la, cite enn l’exemple ki’nn touche ou beaucoup.