Annonce
◼ Publication ki pou offert en mars: Livre Ki la Bible enseigné vrai-mem? en français ou en créole. Faire enn zeffort special pou commence bann l’etude. Avril ek mai: La Tour de Garde ek Réveillez-vous ! Kan ou retourne visite bann dimoune ki’nn montré l’interet, visite aussi bann ki’nn assisté Mémorial ou-soit lezot l’evenement theocratik, mais ki pankor associé avek la congregation. Faire zeffort pou propose zot nouveau livre Ki la Bible enseigné? Faire tou seki ou kapav pou commence enn l’etude dan sa livre-la. Juin: Livre Écoute le grand enseignant. Si dimoune-la dire li pena zenfant, presente livre Bonheur familial.
◼ En avril ena cinq week-end. Li pou enn bon l’occasion pou faire pionnier auxiliaire.
◼ Nou pou celebré Mémorial mercredi le 12 avril 2006. Si normalement ou congregation ena bann reunion mercredi, bizin renvoye sa pou enn lot jour dan la semaine si la Salle du Royaume libre. Si pa kapav faire sa, ou-soit si li impossible pou faire reunion service, kapav faire bann partie ki surtout applik ar ou congregation dan enn lot reunion service.
◼ Bann congregation bizin distribué bann dernier numero La Tour de Garde ek Réveillez-vous ! dé-suite couma zot gagné. Sa pou permette bann proclamateur lire bann lartik-la avant zot presente sa dan predication. Pareil aussi pou Ministère du Royaume, bizin partage sa dé-suite couma gagné. Kapav distribué sa dan bann l’etude de livre.
◼ Nou pou examine program video Noé : il marchait avec Dieu (cassette video ou-soit DVD) dan reunion service, mois mai. Nou encourage tou bann ki pena sa cassette-la pou passe zot commande a travers la congregation pli vite possible.
◼ La filiale pa accepté okenn commande publication personnel. Surveillant president bizin faire l’arrangement pou faire enn annonce chaque mois avant ki congregation envoye filiale so commande publication. Coumsa, tou bann ki interessé pou gagne bann publication personnel pou kapav informe frere ki responsable publication. S’il vous plait, pa blié ki ena certain publication ki lor demande special.
◼ Tou bann frere celibataire ki interessé avek Lekol formation ministeriel invité pou assisté enn reunion ki pou faire par surveillant district, pendant l’assemblée circonscription.
◼ Rectification: Lekol pou bann pionnier pou la Réunion ki ti prevoir le 7-18 août 2006, en fait pou faire sa le 31 juillet ziska 11 août 2006. Lezot date reste pareil.—Guette km 12/05 p. 5.